തിരുവനന്തപുരം: മെഡിക്കല് വിദ്യാഭ്യാസ വകുപ്പിലെ പ്രിന്സിപ്പാള്, ജോയിന്റ് ഡയറക്ടര് ഓഫ് മെഡിക്കല് എജ്യൂക്കേഷന് തസ്തികയിലെ സ്ഥലംമാറ്റവും റഗുലര് സ്ഥാനക്കയറ്റവും അംഗീകരിച്ച് സര്ക്കാര് ഉത്തരവ് പുറപ്പെടുവിച്ചു.
കൊല്ലം മെഡിക്കല് കോളേജ് പ്രിന്സിപ്പാളായ ഡോ. എന്. റോയിയെ മെഡിക്കല് വിദ്യാഭ്യാസ വകുപ്പ് ഡയറക്ടറുടെ കാര്യാലയത്തിലുള്ള സ്പെഷ്യല് ഓഫീസര് തസ്തികയില് നിയമിച്ചു. ഇടുക്കി സര്ക്കാര് മെഡിക്കല് കോളേജ് പ്രിന്സിപ്പാളായ ഡോ. എം.എച്ച്. അബ്ദുുള് റഷീദിനെ കൊല്ലം മെഡിക്കല് കോളേജ് പ്രിന്സിപ്പാളായി നിയമിച്ചു.
കോന്നി മെഡിക്കല് കോളേജിലെ ബയോകെമിസ്ട്രി വിഭാഗം പ്രൊഫസറും തിരുവനന്തപുരം മെഡിക്കല് കോളേജില് നിലവില് സേവനമനുഷ്ഠിക്കുകയും ചെയ്യുന്ന ഡോ. മിന്നി മേരി മാമ്മനെ കോന്നി മെഡിക്കല് കോളേജിന്റെ പ്രിന്സിപ്പാളായി നിയമിച്ചു. കോഴിക്കോട് മെഡിക്കല് കോളേജിലെ ബയോകെമിസ്ട്രി വിഭാഗം പ്രൊഫസറായ ഡോ. എം. സബൂറാബീഗത്തിനെ മഞ്ചേരി മെഡിക്കല് കോളേജിന്റെ പ്രിന്സിപ്പാളാക്കി. കോഴിക്കോട് മെഡിക്കല് കോളേജിലെ പ്ലാസ്റ്റിക് സര്ജറി വിഭാഗം പ്രൊഫസറും തിരുവനന്തപുരം സര്ക്കാര് മെഡിക്കല് കോളേജില് സേവനമനുഷ്ഠിക്കുകയും ചെയ്യുന്ന ഡോ.കെ. അജയകുമാറിനെ കണ്ണൂര് മെഡിക്കല് കോളേജിന്റെ പ്രിന്സിപ്പാളാക്കി.
തിരുവനന്തപുരം മെഡിക്കല് കോളേജിലെ ഫാര്മ്മക്കോളജി വിഭാഗം പ്രൊഫസറായ ഡോ. പി. കലാകേശവനാണ് എറണാകുളം മെഡിക്കല് കോളേജ് പ്രിന്സിപ്പാള്. തിരുവനന്തപുരം മെഡിക്കല് കോളേജിലെ ഫോറന്സിക് മെഡിസിന് വിഭാഗം പ്രൊഫസറായ ഡോ. കെ. ശശികലയെ ആലപ്പുഴ മെഡിക്കല് കോളേജിന്റെ പ്രിന്സിപ്പാളായും കോഴിക്കോട് മെഡിക്കല് കോളേജിലെ പീഡിയാട്രിക് സര്ജറി വിഭാഗം പ്രൊഫസറായ ഡോ. എസ്. പ്രതാപിനെ തൃശൂര് മെഡിക്കല് കോളേജ് പ്രിന്സിപ്പാളായും നിയമിച്ചു.
കോഴിക്കോട് മെഡിക്കല് കോളേജിലെ അനസ്തേഷ്യോളജി വിഭാഗം പ്രൊഫസറായ ഡോ. കെ.കെ. മുബാറക്കാണ് വയനാട് മെഡിക്കല് കോളേജിലെ ആദ്യത്തെ പ്രിന്സിപ്പാള്. കോട്ടയം മെഡിക്കല് കോളേജിലെ നെഫ്രോളജി വിഭാഗം പ്രൊഫസറായ ഡോ. കെ.പി. ജയകുമാറിനെ അവിടെത്തന്നെ പ്രിന്സിപ്പാളായും മഞ്ചേരി മെഡിക്കല് കോളേജിലെ അനാട്ടമി വിഭാഗം പ്രൊഫസറായ ഡോ. ബി. ഷീലയെ ഇടുക്കി മെഡിക്കല് കോളേജ് പ്രിന്സിപ്പാളായും നിയമിച്ചു.
