ന്യൂദല്ഹി: ഭാരതവുമായുള്ള ബന്ധം കൂടുതല് ശക്തമായി തുടരുമെന്ന് ഇസ്രയേലല് പ്രധാനമന്ത്രി നഫ്ത്താലി ബെനറ്റ്. ഇന്ത്യന് പ്രധാനമന്ത്രി നരേന്ദ്ര മോദിക്ക് നന്ദി പറഞ്ഞുകൊണ്ടാണ് അദേഹം ഇക്കാര്യം വ്യക്തമാക്കിയത്. എല്ലാകാര്യത്തിലും ഇരു രാജ്യങ്ങളും ഒന്നിച്ച് പ്രവര്ത്തിക്കും പരസ്പരസഹകരണം ഉറപ്പാക്കുമെന്നും അദേഹം വ്യക്തമാക്കി. രണ്ടു ജനാധിപത്യ രാജ്യങ്ങള്ക്കും ഒന്നു ചേര്ന്ന് കൂടുതല് കാര്യങ്ങള് ചെയ്യാനുണ്ട്. ഇതിനായി മോദിയോടൊപ്പം ചേര്ന്ന് പ്രവര്ത്തിക്കാനാഗ്രഹിക്കുന്നുവെന്നും നഫ്ത്താലി ബെനറ്റ് വ്യക്തമാക്കി.
നഫ്ത്താലി ബെനറ്റിനെ നേരത്തെ പ്രധാനമന്ത്രി നരേന്ദ്ര മോദി അഭിനന്ദിച്ചിരുന്നു. ട്വീറ്റില് പ്രധാനമന്ത്രി പറഞ്ഞു- ‘ ഇസ്രയേല് പ്രധാനമന്ത്രിയായതില് നഫ്ത്താലി ബെന്നറ്റിനെ അഭിനന്ദനങ്ങള് അറിയിക്കുന്നു. നയതന്ത്ര ബന്ധം മെച്ചപ്പെടുത്തിയതിന്റെ 30 വര്ഷം അടുത്ത വര്ഷം ആഘോഷിക്കുമ്പോള്, തങ്ങളെ കണ്ടുമുട്ടാനും നമ്മുടെ രണ്ട് രാജ്യങ്ങള്ക്കും ഇടയിലുള്ള തന്ത്രപരമായ പങ്കാളിത്തം വര്ദ്ധിപ്പിക്കാനും ഞാന് ആഗ്രഹിക്കുന്നു. ഇന്ത്യ-ഇസ്രായേല് തന്ത്രപരമായ പങ്കാളിത്തത്തിനുള്ള നേതൃത്വത്തിനും വ്യക്തിപരമായ ശ്രദ്ധയ്ക്കും പ്രധാനമന്ത്രി സ്ഥാനം ഒഴിയുന്ന ബെഞ്ചമിന് നെതന്യാഹുവിനോട് മോദി നന്ദി അറിയിച്ചു.
ഇസ്രയേലിന്റെ പ്രധാനമന്ത്രി എന്ന നിലയില് താങ്കള് വിജയകരമായി കാലാവധി പൂര്ത്തിയാക്കിയപ്പോള്, താങ്കളുടെ നേതൃത്വത്തിനും ഇന്ത്യ-ഇസ്രായേല് തന്ത്രപരമായ പങ്കാളിത്തത്തിന് നല്കിയ വ്യക്തിപരമായ ശ്രദ്ധയ്ക്കും നെതന്യാഹുവിനെ എന്റെ അഗാധമായ നന്ദി അറിയിക്കുന്നെന്ന് പ്രധാനമന്ത്രി പറഞ്ഞു,
