തിരുവനന്തപുരം: കെഎസ്ആര്ടിസി ജീവനക്കാരുടെ ശമ്പള പരിഷ്ക്കരണം അടിയന്തരമായി നടപ്പാക്കണമെന്ന് കെഎസ്ടി എംപ്ലോയീസ് സംഘ് ആവശ്യപ്പെട്ടു. മന്ത്രി ആന്റണി രാജുവിന് നല്കിയ നിവേദനത്തിലാണ് ഈ ആവശ്യം. സംസ്ഥാന ഗതാഗത മന്ത്രിയായി ചുമതലയേറ്റ അദ്ദേഹത്തെ അഭിനന്ദിച്ചതായും സംഘ് സംസ്ഥാന അധ്യക്ഷന് ജി.കെ. അജിത് അറിയിച്ചു.
കെഎസ്ആര്ടിസി ജീവനക്കാര്ക്ക് 2012-ലെ കരാറടിസ്ഥാനത്തിലുള്ള ശമ്പളമാണ് ലഭിക്കുന്നത്. ഇപ്പോള് രണ്ടു പരിഷ്ക്കരണങ്ങള്ക്ക് പിന്നിലാണ്. അതിനാല്, ജീവനക്കാരുടെ ശമ്പള പരിഷ്ക്കരണത്തിന് അടിയന്തര പരിഗണന നല്കണം. മുഖ്യമന്ത്രി 2021, ജൂണില് പുതുക്കിയ ശമ്പളം ലഭ്യമാകുമെന്ന് പ്രഖ്യാപിച്ചിരുന്നു. 80 ശതമാനം ചര്ച്ചകള് പൂര്ത്തീകരിച്ചതുമാണ്. തെരഞ്ഞെടുപ്പ് സംബന്ധമായ കാരണങ്ങളാല് തുടര് ചര്ച്ചകള് നിലയ്ക്കുകയായിരുന്നു, അദ്ദേഹം ചൂണ്ടിക്കാട്ടി.
