ന്യൂദല്ഹി: രാജ്യത്തിന് വീണ്ടും ആശ്വാസമായി കോവിഡ് രോഗികളുടെ എണ്ണത്തില് കുറവ്. തുടര്ച്ചയായ രണ്ടാം ദിവസവും രോഗം റിപ്പോര്ട്ട് ചെയ്യുന്നവരുടെ സംഖ്യ കുറയുകയാണ്. കഴിഞ്ഞ 24 മണിക്കൂറിനിടെ റിപ്പോര്ട്ട് ചെയ്തത് 3,29,942 കേസുകള് മാത്രമാണ്. 3876 പേര് മരിക്കുകയും 3,56,082 പേര് രോഗമുക്തി നേടുകയും ചെയ്തുവെന്ന് കേന്ദ്ര ആരോഗ്യമന്ത്രാലയം അറിയിച്ചു.
ഇന്ത്യയില് ഇതുവരെ കോവിഡ് ബാധിച്ചത് 2.29 കോടി പേര്ക്കാണ്. ഇതില് 37.15 ലക്ഷം പേര് മാത്രമാണ് നിലവില് ചികില്സയിലുള്ളത്. 1.90 ലക്ഷം പേരും രോഗമുക്തി നേടി. 2,49,992 പേരാണ് ഇതുവരെ രാജ്യത്ത് കോവിഡ് മൂലം മരിച്ചത്.
