കോട്ടയം: മീനച്ചിലാറ്റില് താഴത്തങ്ങാടിയില് ലക്ഷങ്ങള് മുടക്കി നിര്മ്മിച്ച താല്ക്കാലിക തടയണ തകര്ന്നു. തണ്ണീര്മുക്കം ബണ്ടിന്റെ ഷട്ടര് തുറക്കും മുമ്പേയാണ് തടയണ തകര്ന്നത്. നിര്മ്മാണം പൂര്ത്തിയാക്കി രണ്ട് ആഴ്ച തികയും മുമ്പെയാണ് തടയണ തകര്ന്ന തെന്നതിനാല് നിര്മ്മാണത്തിലെ അപാക തയാണ് നാട്ടുകാര് കാരണമായി ചൂണ്ടിക്കാ ണിക്കുന്നത്.
കഴിഞ്ഞ വര്ഷം നിര്മ്മിച്ച തടയണയും തകര്ന്നിരുന്നു. മണ്ണിന്റെ അംശം കുറയുന്നതാണ് തടയണ തകരാന് കാരണം. 25 ലക്ഷത്തോളം തുക ഇതിനായി ഓരോ വര്ഷവും ചെലവാക്കുന്നുണ്ട്. അയ്മനം, ആര്പ്പൂക്കര, മെഡിക്കല് കോളേജ് ഭാഗങ്ങളിലേക്കുള്ള ശുദ്ധജലത്തില് ഓരുവെള്ളം കയറാതിരിക്കാനാണ് തടയണ നിര്മ്മിക്കുന്നത്. ഇരുവശവും തെങ്ങിന്തടി പാകി ഇരുമ്പ് പാളിവച്ച് അതിനിടയില് മണ്ണ് നിറച്ചാണ് തടയണ നിര്മ്മിക്കുന്നത്. മണ്ണിന്റെ അംശം കുറയുന്നതുകൊണ്ട് എല്ലാ വര്ഷവും തടയണ തകരാറാണ് പതിവ്. ഇതിന് പരിഹാരമായി ഒരു സ്ഥിരം സ്പില്വേയാണ് ഇവിടെ നിര്മ്മിക്കേണ്ടതെന്നും പ്രദേശവാസികളില് നിന്ന് ആവശ്യമുയരുന്നുണ്ട്. എന്നാന് മീനച്ചിലാറ്റില് ജലനിരപ്പുയരുമ്പോള് ഓരുവെള്ളത്തിലെ ലവണാംശം പ്രശ്നമാകില്ല, അതുകൊണ്ട് തടയണ വേണ്ട എന്നു വാദിക്കുന്നവരുമുണ്ട്.
അധികൃതര്ക്ക് ലാഭമുണ്ടാക്കനുള്ള സ്ഥിരം നടപടിയാണ് തടയണ നിര്മ്മാണമെന്നും ഈ വിഷയത്തില് മുഖ്യമന്ത്രി ഇടപെടണമെന്നുമാണ് പ്രധാന ആവശ്യം.
