ആലപ്പുഴ : കോവിഡ് 19 രോഗബാധിതരുടെ എണ്ണം വര്ധിക്കുന്ന സാഹചര്യത്തില് ജില്ലയില് ഓക്സിജന് ലഭ്യത ഉറപ്പാക്കുന്നതിനായി കൂടുതല് ഓക്സിജന് സിലിണ്ടറുകള് ഏറ്റെടുത്ത് ജില്ല കളക്ടര് ഉത്തരവായി. വിവിധ താലൂക്കുകളില് നിന്നായി ഏറ്റെടുത്ത ഓക്സിജന് സിലിണ്ടറുകള് മാവേലിക്കര ട്രാവന്കൂര് വര്ക്സ് ഓക്സിജന് പ്ലാന്റില് എത്തിക്കുന്നതിനായി വിവിധ വകുപ്പ് ഉദ്യോഗസ്ഥരെ ചുമതലപ്പെടുത്തി.
അമ്പലപ്പുഴ, കാര്ത്തികപള്ളി, മാവേലിക്കര, ചെങ്ങന്നൂര് താലൂക്കുകളിലെ സ്ഥാപനങ്ങളില് നിന്നും ഓക്സിജന് സിലിണ്ടറുകള് ഏറ്റെടുക്കുന്നതിനുള്ള നടപടികള് അതത് താലൂക്കുകളുടെ ചുമതലയുള്ള താലൂക്ക് ഇന്ഡസ്ട്രീസ് ഓഫീസര്, ഇന്സ്പെക്ടര് ഫാക്ടറീസ് ആന്ഡ് ബോയിലേഴ്സ് എന്നിവര് നിര്വഹിക്കും.
ഓക്സിജന് സിലിണ്ടറുകള് ഏറ്റെടുക്കുന്നതിനായി നിയോഗിച്ച സംഘത്തിനാവശ്യമായ വാഹനങ്ങള് നല്കുന്നതിനാണ് റീജണല് ട്രാന്സ്പോര്ട്ട് ഓഫീസറെ നിയോഗിച്ചു. ഇവര്ക്ക് പോലീസ് സംരക്ഷണം നല്കുന്നതിന് ആവശ്യമായ നടപടികള് സ്വീകരിക്കാന് ജില്ലാ പോലീസ് മേധാവിയെ ചുമതലപ്പെടുത്തി. ഓക്സിജന് സിലിണ്ടര് ഏറ്റെടുക്കുന്ന സമയത്ത് തടസ്സങ്ങള് ഒഴിവാക്കുന്നതിനായി എക്സിക്യൂട്ടീവ് മജിസ്ട്രേറ്റ് എന്ന നിലയില് ബന്ധപ്പെട്ട തഹസില്ദാരെയും ചുമതലപ്പെടുത്തിയാണ് ഉത്തരവ്.
പ്രതികരിക്കാൻ ഇവിടെ എഴുതുക: