മംഗല്യസിദ്ധിക്കും വൈധ്യവ്യദോഷം വരാതിരിക്കാനും ജാതകമനുസരിച്ച് ചന്ദ്രന്റെ ദോഷം പരിഹരിക്കുന്നതിനും അനുഷ്ഠിക്കുന്ന വ്രതമാണ് തിങ്കളാഴ്ച വ്രതം.
വ്രതങ്ങള്ക്ക് പൊതുവേയുള്ള വിധിപ്രകാരം ഉപവാസ മനുഷ്ഠിച്ചാണ് തിങ്കളാഴ്ച വ്രതമെടുക്കുന്നത്. ജാതകത്തില് ചന്ദ്രന്റെ പക്ഷബലമനുസരിച്ച് നിഷ്കര്ഷിക്കുന്ന ചില കര്മങ്ങളുണ്ട് തിങ്കളാഴ്ച വ്രതത്തിന്.
ചന്ദ്രന് പക്ഷബലമുള്ളവര് ചന്ദ്രദശാകാലത്ത് തിങ്കളാഴ്ച വ്രതമെടുത്ത് ദുര്ഗാ ക്ഷേത്രങ്ങള് സന്ദര്ശിക്കണം.
വെളുത്തപൂക്കള് കൊണ്ട് ദുര്ഗയ്ക്ക് അര്ച്ചന നടത്തുകയും ദേവീമാഹാത്മ്യം പാരായണം ചെയ്യുകയും വേണം. ചന്ദ്രന് പക്ഷബലമില്ലാത്തവര് ഭദ്രകാളീ ക്ഷേത്രങ്ങളിലാണ് പ്രാര്ഥിക്കാനായി പോവേണ്ടത്.
മംഗല്യസിദ്ധിയും വൈധവ്യദോഷവും മാറാന് ഈ വ്രതമെടുക്കുമ്പോള് ഉമാമഹേശ്വര ക്ഷേത്രങ്ങളില് ദര്ശനം നടത്തി സ്വയംവരാര്ച്ചന നടത്തുക. സ്വയംവരപാര്വതീ സ്തോത്രങ്ങള് ജപിക്കുന്നതും ഉത്തമമാണ്.
ജാതകത്തില് ചൊവ്വാദശാകാലമുള്ളവര് ചൊവ്വാഴ്ച വ്രതം അനുഷ്ഠിക്കാം. മറ്റു വ്രതങ്ങള്ക്ക് അനുശാസിക്കുന്ന ഉപവാസം ഇതിനും ബാധകമാണ്.
ചൊവ്വാഴ്ചകളില് ചുവന്ന പുഷ്പങ്ങളാല് അംഗാരക പൂജനടത്തുന്നതും അംഗാരക സ്തോത്രം ജപിക്കുന്നതും ഉത്തമമാണ്.
വ്രതമെടുക്കുന്ന നാളില് സന്ധ്യകഴിഞ്ഞാല് ഉപ്പു ചേര്ത്ത ഭക്ഷണം വര്ജിക്കുന്നത് നല്ലതാണ്.
