കല്ലമ്പലം: 13 കാരിയെ പീഡിപ്പിച്ച പഞ്ചായത്ത് അംഗംവും സുഹൃത്തും അറസ്റ്റില്.നാവായിക്കുളം ഗ്രാമ പഞ്ചായത്ത് നാലാം വാര്ഡ് മെമ്പറായ സി.പി.എം മരുതിക്കുന്ന് ബ്രാഞ്ച് സെക്രട്ടറി മുല്ലനല്ലൂര് പുത്തന് വീട്ടില് സഫറുള്ള (44)യും ബ്രാഞ്ച് അംഗവും സുഹൃത്തുമായ മുല്ലനല്ലൂര് കാവുവിള പുത്തന് വീട്ടില് ഷമീ (32) റും ആണ് അറസ്റ്റിലായത്.
മരുതിക്കുന്ന് സ്വദേശിയായ എട്ടാംക്ലാസ് കാരിയെ പ്രലോഭിപ്പിച്ചും, കൊന്നുകളയുമെന്ന് ഭീക്ഷണിപ്പെടുത്തിയും കഴിഞ്ഞ ആറുമാസമായി ഇരുവരും മാറിമാറി പീഡിപ്പിച്ചു വരികയായിരുന്നു. ആദ്യം ഷമീര് ആണ് കുട്ടിയെ പീഡിപ്പിച്ചത്. തുടര്ന്ന് വിവരം സഫീറുള്ളയോട് പങ്കു വയ്ക്കുകയും ഇയാളും ഇത് മുതലെടുത്ത് കുട്ടിയെ ഭീക്ഷണിപ്പെടുത്തി പീഡിപ്പിക്കുകയുമായിരുന്നുവെന്ന് പൊലീസ് പറഞ്ഞു. വീടിന്റെ മുകളിലത്തെ നിലയില് ആണ് ഇരുവരും രഹസ്യമായി കാര്യങ്ങള് നടത്തിയിരുന്നത്.
കുട്ടിയുടെ പെരുമാറ്റത്തിലും സ്വഭാവത്തിലും അസ്വാഭാവികത കണ്ടതിനെ തുടര്ന്ന് വീട്ടുകാര് ചൈല്ഡ് ലൈനില് അറിയിക്കുകയും തുടര്ന്നുള്ള കൗണ്സിലിംഗിലാണ് പീഡന വിവരം പുറത്തായത്. ജുവൈനല് മജിസ്ട്രേട്ടിന് മുന്നില് ഹാജരായി കുട്ടി മൊഴിനല്കുകയും ചെയ്തു.
തുടര്ന്ന് പള്ളിക്കല് ഇന്സ്പെക്ടര് അനില്കുമാറിന്റെ നേതൃത്വത്തില് എസ്.ഐ ശരലാല്, ഗ്രേഡ് എസ് .ഐ ബാബു, എ.എസ്.ഐ അനില്കുമാര് , സി.പി.ഒ ബിജുമോന്, ഹോം ഗാര്ഡ് ശിവശങ്കരപിള്ള, എന്നിവരടങ്ങുന്ന പൊലീസ് സംഘമാണ് ഒളിവില് പോകാന് ശ്രമിച്ച പ്രതികളെ സാഹസികമായി പിടികൂടിയത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
ജന്മഭൂമി ഓണ്ലൈന്