ചെന്നൈ: മക്കള് നീതി മയ്യം (എംഎന്എം) നേതാവ് കമല് ഹാസന്റെ മകളും നടിയുമായ ശ്രുതി ഹാസനെതിരെ പരാതിയുമായി ബിജെപി. പോളിങ് ബൂത്തില് സന്ദര്ശനം നടത്തിയെന്ന പേരിലാണ് ശ്രുതി ഹാസനെതിരെ പരാതി നല്കിയിരിക്കുന്നത്. കോയമ്പത്തൂര് സൗത്തിലുള്ള പോളിങ് ബൂത്തില് കമല്ഹാസനൊപ്പം കഴിഞ്ഞ ദിവസം ശ്രുതിയും എത്തിയിരുന്നു.
വോട്ടെടുപ്പ് ദിനമായ ഇന്നലെ ചെന്നൈയില് വോട്ട് രേഖപ്പെടുത്തി മക്കളായ ശ്രുതി ഹാസന്, അക്ഷര ഹാസന് എന്നിവര്ക്കൊപ്പം കമല് ഹാസന് താന് മത്സരിക്കുന്ന കോയമ്പത്തൂര് സൗത്തില് എത്തിയിരുന്നു. തേനാംപേട്ടയിലെ ബൂത്തില് വോട്ട് രേഖപ്പെടുത്തിയ ശേഷമാണ് കമല് വിമാനമാര്ഗം കോയമ്പത്തൂരിലെത്തിയത്. മണ്ഡലത്തിലെ വിവിധ ബൂത്തുകള് കമല് ഹാസന് സന്ദര്ശിച്ചു. ഇതിനൊപ്പമാണ് ശ്രുതിയും പോളിങ് ബൂത്തില് എത്തയിത്.
