തിരുവനന്തപുരം: കമ്മ്യൂണിസ്റ്റ് പാര്‍ട്ടിക്കുള്ളിലെ വ്യക്തിപൂജയെ തള്ളിക്കളഞ്ഞുകൊണ്ടുള്ള പി. ജയരാജന്റെയും മുന്‍ സിപിഎം സെക്രട്ടറി കോടിയേരിയുടെയും നിലപാടുകളെ അനുകൂലിച്ച് സിപി ഐ സെക്രട്ടറി കാനം.
മുഖ്യമന്ത്രി പിണറായി ക്യാപ്റ്റനല്ല, സഖാവാണെന്നും കാനം രാജേന്ദ്രന്‍ തിരുത്തി. നേരത്തെ സിപിഎമ്മിന് വേണ്ടി പ്രചാരണം ഏറ്റെടുത്ത പിആര്‍ കമ്പനിയാണ് പിണറായിയെ ക്യാപ്റ്റനാക്കി അവതരിപ്പിച്ചത്.
സമൂഹത്തിന്റെ നേട്ടം ഏതെങ്കിലും വ്യക്തിയുടെ അത്ഭുതമല്ല. മുന്നണിയുടെ വികസന അജന്‍ഡ നടപ്പാക്കിയതിന്റെ നേട്ടമാണത്. അതിന്റെ നായകനാണ് മുഖ്യമന്ത്രിയെന്നും കാനം പറഞ്ഞു.
പാര്‍ട്ടിക്കുള്ളില്‍ പണ്ട് വിഎസിനെയും പി. ജയരാജനെയും അണികള്‍ വാഴ്‌ത്തിയപ്പോഴെല്ലാം വ്യക്തിപൂജയെന്ന് വിമര്‍ശിച്ചിരുന്ന പിണറായി തന്നെ ഇന്ന് വ്യക്തിപൂജയെന്ന പ്രലോഭനത്തില്‍ വീണെന്നാണ് സിപിഎമ്മിലെ ചില കോണുകളില്‍ ഉയരുന്ന വിമര്‍ശനം.
