ഇസ്ലാമബാദ്: പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന് പിന്നാലെ പ്രസിഡന്റ് ആരിഫ് ആല്‍വിക്കും കോവിഡ്. ചൈനീസ് വാക്സിന് സ്വീകരിച്ചതിന് പിന്നാലെയാണ് ആരിഫ് ആല്‍വിക്കും കൊറോണ വൈറസ് സ്ഥിരീകരിച്ചിരിക്കുന്നത്. ഈ മാസം ആദ്യമാണ് ചൈനയുടെ കോവിഡ് വാക്‌സിനായ സിനോഫാം വാക്സിന് ഇരുവരും സ്വീകരിച്ചത്.
എന്നാല്‍ താന്‍ വാക്‌സിന്റെ ആദ്യ ഡോസ് മാത്രമാണ് സ്വീകരിച്ചത്. ആന്റിബോഡി രൂപപ്പെടാന്‍ സമയം ആയിട്ടില്ലെന്നും ആരിഫ് ആല്‍വി ട്വീറ്റ് ചെയ്തു. പാക് പ്രധാനമന്ത്രി ഇമ്രാന്‍ ഖാന് ആ മാസം 18ന് കുത്തിവെപ്പ് സ്വീകരിച്ചിരുന്നു. അതിന് പിന്നാലെ 20ന് അദ്ദേഹത്തിന് കോവിഡ് സ്ഥിരീകരിച്ചത്. അതേസമയം വാക്സിന് എടുത്തതിന് മുമ്പ് തന്നെ ഇമ്രാന്‍ ഖാന് വൈറസ് ബാധിച്ചിരിക്കാം എന്നാണ് ഇപ്പോള്‍ ഡോക്ടര്‍മാര്‍ പറയുന്നത്.
