കൊല്ക്കത്ത : പശ്ചിമ ബംഗാളില് ബിജെപി പ്രവര്ത്തകര്ക്ക് നേരെ ആക്രമണം. സൗത്ത് 24 പര്ഗനാസ് ജില്ലയിലെ രാംപൂര് ഗ്രാമത്തിലാണ് സംഭവം. ബിജെപി പ്രവര്ത്തകര്ക്ക് നേരെ പെട്രോള് ബോംബ് ആക്രമിക്കുകയായിരുന്നു. ആറ് പേര്ക്ക് പരിക്കേറ്റ് ചികിത്സയിലാണ്. ഇതില് രണ്ട് പേരുടെ നില ഗുരുതരമാണ്.
കഴിഞ്ഞ ദിവസം രാത്രി വിവാഹ ആഘോഷങ്ങളില് പങ്കെടുത്ത് മടങ്ങുകയായിരുന്ന ബിജെപി പ്രവര്ത്തര്ക്ക് നേരെയാണ് പെട്രോള് ബോംബ് ആക്രമണമുണ്ടായത്. തൃണമൂല് കോണ്ഗ്രസ്സാണ് ആക്രമണങ്ങള്ക്ക് പിന്നിലെന്നും ആരാപണമുണ്ട്.
ആക്രമണത്തില് ഷോവന് ദേബ്നാഥ്, വിക്രം ഷില്, അര്പണ് ദേബ്നാഥ്, സ്വപന് കുറാലി, മഹാദേവ് നായിക് എന്നിവര്ക്ക് പരിക്കേറ്റു. പരിക്കേറ്റവരെ കാനിങ് സബ്ഡിവിഷന് ആശുപത്രിയില് പ്രവേശിപ്പിച്ചിരിക്കുകയാണ്. സംഭവത്തില് പോലീസ് അന്വേഷണം ആരംഭിച്ചു.
നിയമസഭാ തെരഞ്ഞെടുപ്പ് അടുത്തതോടെ സംസ്ഥാനത്തെ ബിജെപി പ്രവര്ത്തകര്ക്കുനേരെ തൃണമൂല് ആക്രമണം അഴിച്ചുവിട്ടിരിക്കുകയാണ്. തൃണമൂല് വിട്ട് ബിജെപിയില് ചേര്ന്ന സുവേന്ദു അധികാരിയുടെ വാഹനത്തിന് നേരെ അടുത്തിടെ ആക്രമണം ഉണ്ടായിരുന്നു.
