തൃശൂര്‍: വയലാറില്‍ ആര്‍എസ്എസ് പ്രവര്‍ത്തകനായ നന്ദുവിനെ മതഭീകരവാദികളായ എസ്ഡിപിഐക്കാര്‍ വെട്ടിക്കൊലപ്പെടുത്തിയ സംഭവത്തില്‍ ജില്ലയില്‍ വ്യാപക പ്രതിഷേധം. കുന്നംകുളത്ത് കക്കാട് ഗണപതി ക്ഷേത്ര പരിസരത്തു നിന്നും ആരംഭിച്ച പ്രതിഷേധ പ്രകടനത്തിന് ഹിന്ദു ഐക്യവേദി സംഘടനാ സെക്രട്ടറി ടി.വി രമേഷ,് ബിജെപി നേതാക്കളായ അനീഷ് ഇയ്യാല്‍, കെ.എസ്. രാജേഷ്, മുരളി വെള്ളിത്തിരുത്തി, ടി. സുരേഷ,് കെ.സന്തോഷ് എന്നിവര്‍ നേതൃത്വം നല്‍കി
കൊടുങ്ങല്ലൂര്‍: ഹിന്ദു ഐക്യവേദി കൊടുങ്ങല്ലൂര്‍ താലൂക്കിന്റെ ആഭിമുഖ്യത്തില്‍ പ്രകടനവും പ്രതിഷേധയോഗവും നടത്തി. പ്രതിഷേധയോഗം ഹിന്ദു ഐക്യവേദി താലൂക്ക് വര്‍ക്കിങ് പ്രസിഡന്റ് വിശ്വംഭരന്‍ കാനാടി ഉദ്ഘാടനം ചെയ്തു. ജില്ലാ കാര്യവാഹ് സി.കെ. സതീശന്‍, ഖണ്ഡ് കാര്യവാഹ് ടി.ജെ. ജെമി, സി.വി. ശിവന്‍, സി.എം. ശശീന്ദ്രന്‍, രാകേഷ് അറയ്‌ക്കല്‍ തുടങ്ങിയവര്‍ പ്രകടത്തിന് നേതൃത്വം നല്‍കി.
വടക്കാഞ്ചേരി: വടക്കാഞ്ചേരിയില്‍ ഹിന്ദു ഐക്യവേദിയുടെ നേതൃത്വത്തില്‍ പ്രതിഷേധ പ്രകടനവും പൊതുയേഗവും നടത്തി. ഓട്ടുപാറയില്‍ നിന്നാരംഭിച്ച പ്രകടനം വടക്കാഞ്ചേരി ബസ് സ്റ്റാന്റ് പരിസരത്ത് സമാപിച്ചു. തുടര്‍ന്ന് നടന്ന പൊതുയോഗം തൃശ്ശൂര്‍ വിഭാഗ് സഹകാര്യവാഹ് എം.കെ. അശോകന്‍ ഉദ്ഘാടനം ചെയ്തു. ജില്ലാ സഹകാര്യവാഹ് കെ.സി. സുമേഷ്, ഖണ്ഡ് കാര്യവാഹ് വി.പി. ജയാനന്ദന്‍ എന്നിവര്‍ സംസാരിച്ചു. പ്രകടനത്തിന് പി.വി. വിജേഷ്, കെ.സി. ശ്രീദാസ്, കെ. പ്രകാശന്‍ തുടങ്ങിയവര്‍ നേതൃത്വം നല്‍കി.
പെരിഞ്ഞനം: സംഘ പരിവാര്‍ സംഘടനകളുടെ നേതൃത്വത്തില്‍ പെരിഞ്ഞനത്തും പ്രതിഷേധ പ്രകടനം നടന്നു. ആര്‍എസ്എസ് ഖണ്ഡ് കാര്യവാഹ് സുനില്‍ വെന്നിക്കല്‍, ഹിന്ദു ഐക്യവേദി കണ്‍വീനര്‍ രാജേഷ് പെരിഞ്ഞനം, ‘ ബിജെപി ജനറല്‍ സെക്രട്ടറി ജോതിബസു തേവര്‍ കാട്ടില്‍, അജയഘോഷ് എന്നിവര്‍ നേതൃത്വം നല്‍കി.
