മുംബൈ: കെട്ടിടത്തിന്റെ മൂന്നാം നിലയില്‍ നിന്നും 22 കാരി പൂജ ചവാന്‍ ചാടി ആത്മഹത്യ ചെയ്ത കേസില്‍ മഹാരാഷ്‌ട്രയിലെ ശിവസേന നേതൃത്വത്തിലുള്ള സര്‍ക്കാരിലെ ഒരു മന്ത്രിയ്‌ക്ക് ബന്ധമുണ്ടെന്ന് ആരോപണം. മഹാരാഷ്‌ട്രയില്‍ നിന്നുള്ള പ്രമുഖ ടിക് ടോക് സ്റ്റാറാണ് പൂജ ചവാന്‍. ഞായറാഴ്ചയാണ് പൂനെയിലെ ഹര്‍ദാസ്പര്‍ പ്രദേശത്തെ ഒരു ഹൗസിംഗ് സൊസൈറ്റിയുടെ മൂന്നാം നിലയില്‍ നിന്നും പൂജ ചവാന്‍ ചാടി ആത്മഹത്യ ചെയ്തത്.
ബിജെപിയുടെ വനിതാ വിഭാഗം വിശദമായ അന്വേഷണം ആവശ്യപ്പെട്ടിട്ടുണ്ട്. ശിവസേന-കോണ്‍ഗ്രസ്-എന്‍സിപി കൂട്ടുമുന്നണിയായ മഹാരാഷ്‌ട്രയിലെ മഹാവികാസ് അഘാധിയിലെ അംഗമായ ഒരു മന്ത്രിയുമായുള്ള പ്രണയനൈരാശ്യമാണ് ആത്മഹത്യയ്‌ക്ക് കാരണമെന്ന് ചൂണ്ടിക്കാണിക്കപ്പെടുന്നു.
വന്‍വാടി പൊലീസ് സ്റ്റേഷനില്‍ ഇത് സംബന്ധിച്ച് പരാതി നല്‍കിയിട്ടുണ്ട്. പൂനെയിലെ മഹമ്മദ് വാടിയിലെ ഹവന്‍ പാര്‍ക്കില്‍ ഞായറാഴ്ച അര്‍ധരാത്രിയാണ് ഈ സംഭവം ഉണ്ടായത്. പെണ്‍കുട്ടിയുടെ ആത്മഹത്യയ്‌ക്ക് ശേഷം സോഷ്യല്‍ മീഡിയയില്‍ ചൂടുപിടിച്ച ചര്‍ച്ചകള്‍ നടക്കുകയാണ്. ഔദ്യോഗികമായി ഒരു പരാതിയും ലഭിച്ചിട്ടില്ലെന്നതാണ് പൊലീസ് വൃത്തങ്ങള്‍ വിശദമാക്കുന്നത്.
അതേ സമയം മന്ത്രിയും പെണ്‍കുട്ടിയും തമമിലുള്ള അടുപ്പത്തെക്കുറിച്ച് പൊലീസ് അന്വേഷിക്കുന്നതായും അറിയുന്നു. കുറ്റവാളികളെ അറസ്റ്റ് ചെയ്യണമെന്നാവശ്യപ്പെട്ട് പൂനെ പൊലീസ് കമ്മീഷണര്‍ അമിതാഭ് ഗുപ്തയ്‌ക്കും ബിജെപി വനിതാവിഭാഗം ഹര്‍ജി നല്‍കിയിട്ടുണ്ട്. ശരിയായ ദിശയില്‍ അന്വേഷണം നടന്നില്ലെങ്കില്‍ ബഹുജനപ്രക്ഷോഭം ആരംഭിക്കുമെന്ന് പൂനെ സിറ്റി വനിതാവിഭാഗം പ്രസിഡന്‍റ് അര്‍ച്ചനാ പാട്ടീല്‍ അറിയിച്ചു.
മന്ത്രിയും പെണ്‍കുട്ടിയും തമമിലുള്ള അടുപ്പത്തെക്കുറിച്ച് പൊലീസ് അന്വേഷിക്കുന്നതായും അറിയുന്നു. കുറ്റവാളികളെ അറസ്റ്റ് ചെയ്യണമെന്നാവശ്യപ്പെട്ട് പൂനെ പൊലീസ് കമ്മീഷണര്‍ അമിതാഭ് ഗുപ്തയ്‌ക്കും ബിജെപി വനിതാവിഭാഗം ഹര്‍ജി നല്‍കിയിട്ടുണ്ട്. ശരിയായ ദിശയില്‍ അന്വേഷണം നടന്നില്ലെങ്കില്‍ ബഹുജനപ്രക്ഷോഭം ആരംഭിക്കുമെന്ന് പൂനെ സിറ്റി വനിതാവിഭാഗം പ്രസിഡന്‍റ് അര്‍ച്ചനാ പാട്ടീല്‍ അഭിപ്രായപ്പെട്ടു.
കേസില്‍ ബന്ധുമുള്ള മന്ത്രിയുടേതെന്ന് സംശയിക്കുന്ന ശബ്ദരേഖ ഇപ്പോള്‍ സമൂഹമാധ്യമങ്ങളില്‍ വൈറലാണ്. ഇതില്‍ കേസ് എങ്ങിനെയെങ്കിലും ഇല്ലാതാക്കാന്‍ നിര്‍ദേശിക്കുന്നുണ്ട്. ലാപ്‌ടോപുകളും മൊബൈലും എല്ലാം ഭദ്രമായി കസ്റ്റഡിയില്‍ വെക്കണമെന്നും ഈ പ്രശ്‌നം ഒരിക്കലും ഉയര്‍ന്നുവന്നുകൂടെന്നും അജ്ഞാതന്‍ നിര്‍ദേശം കൊടുക്കുന്നത് കേള്‍ക്കാം.
ഈ ശബ്ദരേഖ പുറത്തുവന്നത് സംബന്ധിച്ചും തര്‍ക്കം നടക്കുന്നുണ്ട്. ചിലര്‍ മനപൂര്‍വ്വം റെക്കോഡ് ചെയ്തതാണ് ഈ ശബ്ദരേഖയെന്നും പറയുന്നു. പൂജ ചവാന്റെ ഫേസ് ബുക്ക് പേജില്‍ ഈ മന്ത്രിയുടെ ഫോട്ടോയുണ്ട്. ഇതാണ് മന്ത്രിയും പൂജയും തമ്മിലുള്ള ബന്ധത്തെക്കുറിച്ചുള്ള സംശയം ബലപ്പെടുത്തുന്നത്.
അതേ സമയം പ്രണയമെന്ന ആരോപണം തള്ളിക്കളയുകയാണ് സീനിയര്‍ പൊലീസ് ഇന്‍സ്‌പെക്ടറായ ദീപക് ലഗാഡ്. പകരം വിഷാദരോഗമായിരിക്കാം മരണകാരണമെന്നാണ് പൊലീസ് വിശദീകരണം.
