ന്യൂദല്ഹി: സത്യത്തിന്റെയും, അഹിംസയുടെയും ഏറ്റവും വലിയ അപ്പോസ്തലനായ മഹാത്മാ ഗാന്ധിയുടെ പേരിന്റെ ആദ്യ അക്ഷരവും തുടങ്ങുന്നത് എം എന്ന അക്ഷരത്തിൽ നിന്നാണെന്ന് കേന്ദ്രമന്ത്രി പ്രകാശ് ജാവ്ദേക്കര്.
ഏകാധിപതികളില് പലരുടെയും പേരുകള് തുടങ്ങുന്നത് എം എന്ന അക്ഷരത്തില് നിന്നാണെന്ന് പ്രധാനമന്ത്രി മോദിയെ പരോക്ഷമായി വിമര്ശിക്കാന് ശ്രമിക്കുന്ന രാഹുല്ഗാന്ധിയുടെ ട്വീറ്റിനോട് പ്രതികരിക്കുകയായിരുന്നു പ്രകാശ് ജാവ്ദേക്കര്. ഇന്ത്യയുടെ മണ്ണ് മറ്റ് രാജ്യങ്ങളുടേതിൽ നിന്നും വ്യത്യസ്തമാണ്. ഏകാധിപതികളുടെയല്ല മറിച്ച് ബുദ്ധന്റെയും മഹാവീരന്റെയും മണ്ണാണ് ഇന്ത്യ- ട്വീറ്റില് പ്രകാശ് ജാവ്ദേക്കർ വ്യക്തമാക്കി.
ലോകം കണ്ട ഏറ്റവും വലിയ ഏകാധിപതികളായ മുസ്സോളനി, മുബാറക്, മാർക്കോസ് എന്നിവരുടെ പേരുകൾ പരാമർശിച്ചു കൊണ്ടായിരുന്നു രാഹുലിന്റെ ട്വീറ്റ്. പ്രധാനമന്ത്രി ഏകാധിപതിയാണെന്നായിരുന്നു രാഹുൽ ഗാന്ധി പരോക്ഷമായി പറഞ്ഞത്.
