ന്യൂദല്‍ഹി : പെണ്‍കുട്ടികളുടെ ശാക്തീകരണത്തിനായി പ്രവര്‍ത്തിക്കുന്നവരെ അഭിനന്ദിച്ച് പ്രധാനമന്ത്രി നരേന്ദ്രമോദി. വിവിധ മേഖലകൡ നേട്ടം കൈവരിച്ച രാജ്യത്തെ പെണ്‍കുട്ടികളെ അഭിനന്ദിക്കുന്നതായും ദേശീയ പെണ്‍കുട്ടികളുടെ ദിനത്തില്‍ പ്രധാനമന്ത്രി നരേന്ദ്രമോദി ട്വിറ്ററിലൂടെ അറിയിച്ചു.
പെണ്‍കുട്ടികളുടെ ശാക്തീകരണത്തിനായി കേന്ദ്ര സര്‍ക്കാര്‍ നിരവധി പദ്ധതികളാണ് നടപ്പിലാക്കിയത്. പെണ്‍കുട്ടികള്‍ക്ക് മികച്ച വിദ്യാഭ്യാസം നല്‍കുന്നതിനും, ആരോഗ്യ സംരക്ഷണത്തിനും, ലിംഗ സമത്വത്തിനുമാണ് ഈ പദ്ധതികളില്‍ പ്രാധാന്യം നല്‍കുന്നത്. രാജ്യത്ത് പെണ്‍കുട്ടികള്‍ അന്തസ്സോടെയാണ് ജീവിക്കുന്നതെന്ന് ഒരോരുത്തരും ഉറപ്പുവരുത്തണമെന്നും പ്രധാനമന്ത്രി കൂട്ടിച്ചേര്‍ത്തു.
2008 ലാണ് ജനുവരി 24 ദേശീയ പെണ്‍കുട്ടി ദിനമായി ആഘോഷിക്കാന്‍ തീരുമാനിച്ചത്. രാജ്യത്തെ പെണ്‍കുട്ടികളെ ബഹുമാനിക്കുകയും ആദരിക്കുകയുമാണ് ഈ ദിവസം കൊണ്ട് ഉദ്ദേശിക്കുന്നത്.
