കോഴിക്കോട് : കേസരി മാദ്ധ്യമ പഠന ഗവേഷണ കേന്ദ്രത്തിന്റെ ഉദ്ഘാടനം ആര്.എസ്.എസ് സര്സംഘചാലക് ഡോ. മോഹന് ഭാഗവത് നിര്വ്വഹിച്ചു. ചാലപ്പുറത്ത് കേസരി ഭവനില് നടന്ന ചടങ്ങില് ഭദ്രദീപം കൊളുത്തിയാണ് ഉദ്ഘാടനം നിര്വ്വഹിച്ചത്. കൊളത്തൂര് അദ്വൈതാശ്രമം മഠാധിപതി ചിദാനന്ദപുരി സ്വാമി, രാഷ്ട്രീയ സ്വയംസേവക സംഘം മുന് അഖിലഭാരതീയ ബൗദ്ധിക് പ്രമുഖ് ആര്.ഹരി , ഒ രാജഗോപാല് എം.എല്.എ ,മാതൃഭൂമി മുന് എഡിറ്റര് എം.കേശവമേനോന് , പ്രജ്ഞാപ്രവാഹ് ദേശീയ സംയോജകന് ജെ. നന്ദകുമാര് തുടങ്ങിയവര് ചടങ്ങില് സന്നിഹിതരായിരുന്നു.
കേസരി പബ്ലിക്കേഷനും കുരുക്ഷേത്ര ബുക്സും പ്രസിദ്ധീകരിക്കുന്ന പുസ്തകങ്ങളുടെ പ്രകാശന ചടങ്ങ് നടന്നു. കേസരിയ്ക്കു വേണ്ടി പ്രശസ്ത ഗാനരചയിതാവ് കൈതപ്രം ദാമോദരന് രചിച്ച ഗീതം സിനിമാ പിന്നണി ഗായകന് കൈതപ്രം ദീപാങ്കുരന് ആലപിച്ചു. ചടങ്ങില് പ്രശസ്ത ഗാനരചയിതാവ് കൈതപ്രം ദാമോദര്ന് നമ്പൂതിരി, പ്രശസ്ത സോപാന സംഗീതകാരന് ഞരളത്ത് ഹരിഗോവിന്ദന് തുടങ്ങിയവരെ ആദരിച്ചു.
വയലിന് കച്ചേരിയോടെ ആരംഭിച്ച ചടങ്ങ് ഞരളത്ത് ഹരിഗോവിന്ദന്റെ സോപാന സംഗീതത്തിനു ശേഷമാണ് ഉദ്ഘാടനത്തിലേക്ക് കടന്നത്. കേസരി മുഖ്യപത്രാധിപര് ഡോ. എന്.ആര് മധു ആമുഖഭാഷണം നടത്തി.സരസ്വതീപൂജയ്ക്കും വന്ദേമാതരത്തിനും ശേഷം ഹിന്ദുസ്ഥാന് പ്രകാശന് ട്രസ്റ്റ് മാനേജര് അഡ്വ.പി.കെ. ശ്രീകുമാര് സ്വാഗതം ആശംസിച്ചു. തുടര്ന്ന് സാഹിത്യകാരനും സ്വാഗതസംഘം അധ്യക്ഷനുമായ പി.ആര്.നാഥന് അധ്യക്ഷഭാഷണം നടത്തി.
