തൃപ്രയാര്: നാട്ടിക തൂക്കുപാലത്തിനു സമീപത്തു നിന്നും സിന്തറ്റിക് ലഹരി മരുന്നു വിഭാഗത്തിലെ എംഡിഎംഎ മയക്കുമരുന്നുമായി യുവാവ് അറസ്റ്റില്. ചാവക്കാട് വട്ടേക്കാട് സ്വദേശി വൈശം വീട്ടില് റാഷിദ് റാഷി (19) നെയാണ് തൃശൂര് റൂറല് എസ്.പി. ആര്. വിശ്വനാഥിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
റാഷിദ് രണ്ടു വര്ഷത്തോളമായി ലഹരി മരുന്ന് ഉപയോഗിക്കുന്നതായാണ് വിവരം. ഗോവ ബാംഗ്ലൂര് എന്നിവിടങ്ങളില് നിന്നാണ് ഇത്തരം ലഹരി മരുന്നുകള് കേരളത്തിലേക്ക് എത്തുന്നത്. നാട്ടില് റാഷിദിന് ഇത് ലഭിച്ചതിന്റെ ഉറവിടത്തെക്കുറിച്ച് അന്വേഷിച്ച് വരുന്നതായി ഡിവൈഎസ്പി അറിയിച്ചു.
നിശാ പാര്ട്ടികളിലെ സംഗീത നൃത്ത പരിപാടികളില് പങ്കെടുക്കുന്നവരാണ് ഇത്തരം ലഹരി പദാര്ത്ഥങ്ങള് കൂടുതലായി ഉപയോഗിച്ച് വരുന്നത്. ഇരിങ്ങാലക്കുട ഡിവൈഎസ്പി ഷാജ് ജോസ്, വലപ്പാട് ഇന്സ്പെക്ടര് സുമേഷ്, എഎസ്ഐ അരിസ്റ്റോട്ടില്, റൂറല് ക്രൈം ബ്രാഞ്ച് എസ്.ഐ. എം.പി.മുഹമ്മദ് റാഫി, .എസ്.ഐ പി.ജയകൃഷ്ണന്, സി.എ. ജോബ്, സീനിയര് സി.പി.ഒ. സൂരജ് വി. ദേവ്, ഇ.എസ്. ജീവന് ,എം വി. മാനുവല് എന്നിവരാണ് പോലീസ് സംഘത്തില് ഉണ്ടായിരുന്നത്.
