തിരുവനന്തപുരം: കൊറോണ ബാധിച്ചതിനെ തുടര്ന്ന് കവയിത്രി സുഗതകുമാരിയെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു. തലസ്ഥാനത്തെ സ്വകാര്യ ആശുപത്രിയില് വെന്റിലേറ്ററിന്റെ സഹായത്തോടെ ചികിത്സയിലായിരുന്നു അവരുടെ ആരോഗ്യസ്ഥിതി വഷളായതിനെ തുടര്ന്നാണ് മെഡിക്കല് കോളേജിലേക്ക് മാറ്റിയത്.
ബ്രോങ്കോ ന്യൂമോണിയയെ തുടര്ന്നുള്ള ശ്വാസതടസം മൂലമാണ് സുഗതകുമാരി വെന്റിലേറ്ററിലേക്ക് മാറ്റിയത്. മെഡിക്കല് കോളജില് വിദഗ്ധ ഡോക്ടര്മാരുടെ സംഘം പരിശോധിച്ചതിന്റെ അടിസ്ഥാനത്തിലാണ് തീവ്രപരിചരണ വിഭാഗത്തിലേക്ക് മാറ്റിയത്.
