കോഴിക്കോട് :ഭൂമി കയ്യേറ്റവുമായി ബന്ധപ്പെട്ട് അഴീക്കോട് എംഎല്എ കെ.എം. ഷാജിയുടെ ഭാര്യയ്ക്ക് കോഴിക്കോട് കോര്പ്പറേഷന് നോട്ടീസ് അയച്ചു. നിയമ വിരുദ്ധമായി വീട് നിര്മിച്ചത് പുറത്ത് വരികയും അതിനെതിരെ എംഎല്എ നിയമ നടപടികള് നേരിട്ടുകൊണ്ടിരിക്കുകയാണ്. അതിനുപിന്നാലെയാണ് ഭാര്യ ആശയ്ക്കുമെതിരെ കോഴിക്കോട് കോര്പ്പറേഷന് നോട്ടീസ് അയച്ചിരിക്കുന്നത്.
വേങ്ങേരി വില്ലേജിലെ ഭൂമിയില് കയ്യേറ്റം കണ്ടെത്തിയ സാഹചര്യത്തിലാണ് നോട്ടീസ്. ഇതുമായി ബന്ധപ്പെട്ട് ഭാര്യ ആശയോട് വിശദീകരണവും തേടിയിട്ടുണ്ട്. ആശയുടെ പേരിലാണ് ഭൂമി. വിഷയത്തില് എം.കെ. മുനീര് എംഎല്എയുടെ ഭാര്യ നഫീസയുടെ മൊഴി എന്ഫോഴ്സ്മെന്റ് കഴിഞ്ഞ ദിവസം രേഖപ്പെടുത്തിയിരുന്നു. കെ.എം. ഷാജിയുടെ കോഴിക്കോട്ടെ ഭൂമി വാങ്ങിയത് നഫീസയും ചേര്ന്നാണെന്നുള്ള പരാതിയുടെ ഭാഗമായിട്ടാണ് മൊഴിയെടുത്തത്. ഐഎന്എല് നേതാവ് അബ്ദുള് അസീസിന്റെ പരാതിയുടെ അടിസ്ഥാനത്തില് ആയിരുന്നു നടപടി.
വേങ്ങേരിയിലെ വീട് ഇരിക്കുന്ന 92 സെന്റ് സ്ഥലം ഷാജിയും മുനീറും ചേര്ന്നാണ് വാങ്ങിയത്. സ്ഥലം രജിസ്റ്റര് ചെയ്തത് ഷാജിയുടെയും മുനീറിന്റേയും ഭാര്യമാരുടെ പേരിലാണ്. 92 സെന്റ് സ്ഥലം വാങ്ങിയത് 1.02 കോടി രൂപയ്ക്കാണ്. എന്നാല് ആധാരത്തില് 37 ലക്ഷം രൂപ മാത്രമാണ് കാണിച്ചത്. രജിസ്ട്രേഷന് ഫീസിനത്തിലും സ്റ്റാമ്പ് ഡ്യൂട്ടി ഇനത്തിലും ലക്ഷങ്ങള് വെട്ടിച്ചെന്നും പരാതിയില് ആരോപിക്കുന്നുണ്ട്.
