കുട്ടികളുടെ മനസുണ്ടായിരുന്ന ഫുട്ബോള് ദൈവമായിരുന്നു ഡീഗോ മറഡോണ. നേരിട്ടുകണ്ടപ്പോള് ദൈവത്തെ കാണുന്നതു പോലുള്ള അനുഭൂതി ലഭിച്ചിരുന്നു. പെലെ ഫുട്ബോളിലെ രാജാവാണെങ്കില് മറഡോണ ഫുട്ബോള് ദൈവമാണ്. ഗ്രൗണ്ടില് വെറുതെ കളിക്കുകയായിരുന്നില്ല, ഉത്സവം തീര്ക്കുകയായിരുന്നു അദ്ദേഹം.
കുട്ടികളുടേത് പോലുള്ള ഇഷ്ടങ്ങളും വാശികളും അദ്ദേഹത്തിനുണ്ടായിരുന്നു. പന്തിന്റെ രൂപത്തിലുള്ള കേക്ക്, മുറിക്കാന് പോലും അദ്ദേഹം തയാറായില്ല. ആ മനസില് ഫുട്ബോളിനുണ്ടായിരുന്ന സ്ഥാനം അത്ര വലുതായിരുന്നു. മറഡോണയുടെ കളി പൂര്ണമായും ഇനിയും വിലയിരുത്തപ്പെട്ട് കഴിഞ്ഞിട്ടില്ല. വിവാദങ്ങളിലാണ് പലര്ക്കും താത്പര്യം. അത് വിട്ടേക്കുക, നമ്മള് ശ്രദ്ധിക്കേണ്ടത് അദ്ദേഹത്തിന്റെ കളി മാത്രമാണ്. ലോകം കണ്ട ഏറ്റവും മികച്ച ഫുട്ബോള് കളിക്കാരനാണദ്ദേഹം. അര്ജന്റീനയോടുള്ള ഇഷ്ടക്കൂടുതലിന് കാരണം, ആ ടീമില് മറഡോണ ഉണ്ടായിരുന്നു എന്നതാണ്.
ഐ.എം. വിജയന്
ജന്മഭൂമി ഓണ്ലൈന്