ലക്നൗ: ലൗ ജിഹാദ് അടക്കം നിര്ബന്ധിത മതപരിവര്ത്തനം തടയാന് ഓര്ഡിനന്സുമായി ഉത്തര്പ്രദേശ് സര്ക്കാര്. തിങ്കളാഴ്ച ചേര്ന്ന മന്ത്രിസഭാ യോഗത്തിലാണ് ഓര്ഡിനന്സ് അംഗീകാരം നല്കിയത്. നിര്ബന്ധിച്ച് മതപരിവര്ത്തനം നടത്തിയാല് ഒന്നുമുതല് അഞ്ചുവര്ഷം വരെ തടവും 15,000രൂപ പിഴയും ശിക്ഷയായി ലഭിക്കുന്നതാണ് ഓര്ഡിനന്സ്.
പ്രായപൂര്ത്തിയാകാത്തവര്, സ്ത്രീകള്, പട്ടികജാതി,പട്ടിക വര്ഗത്തില്പ്പെട്ടവര് എന്നിവവരെ മതപരിവര്ത്തനം നടത്തിയാല് മൂന്നു മുതല് പത്തുവര്ഷം വരെ തടവും 25,000രൂപ പിഴയും ലഭിക്കും.
നിര്ബന്ധിത മത പരിവര്ത്തനം നടത്തുന്നവര്ക്ക് ഒന്നു മുതല് അഞ്ചു വര്ഷംവരെ തടവുശിക്ഷയും 15,000 രൂപ പിഴയും വ്യവസ്ഥചെയ്യുന്നതാണ് ഓര്ഡിനന്സെന്ന് യുപി മന്ത്രി സിദ്ധാര്ഥ് നാഥ് സിങ് വാര്്ത്താ ഏജന്സിയോട് പറഞ്ഞു. പ്രായപൂര്ത്തിയാകാത്തവരെയോ എസ്.സി/എസ്.ടി വിഭാഗത്തില്പ്പെട്ട സ്ത്രീകളെയോ മതപരിവര്ത്തനത്തിന് വിധേയരാക്കിയാല് മൂന്ന് മുതല് പത്ത് വര്ഷംവരെ തടവുശിക്ഷയും 25,000 രൂപവരെ പിഴയും ശിക്ഷ ലഭിക്കാം. കൂട്ട മതപരിവര്ത്തനമാണ് നടക്കുന്നതെങ്കില് മൂന്ന് മുതല് 10 വര്ഷംവരെ തടവുശിക്ഷ നല്കാനും 50,000 രൂപവരെ പിഴ ഈടാക്കാനും ഓര്ഡിനന്സ് വ്യവസ്ഥചെയ്യുന്നു. മറ്റൊരു മതത്തിലേക്ക് മാറിയശേഷം വിവാഹം കഴിക്കണമെങ്കില് ജില്ലാ മജിസ്ട്രേട്ടില്നിന്ന് രണ്ടു മാസം മുമ്പ് മുന്കൂര് അനുമതി വാങ്ങണമെന്നും ഓര്ഡിനന്സില് വ്യവസ്ഥയുണ്ട്.
