കൊട്ടിയം: മൊബൈല് ക്യാമറ ഉപയോഗിച്ച് വീട്ടമ്മയുടെ ശുചിമുറി ദൃശ്യങ്ങള് പകര്ത്താന് ശ്രമിച്ച യുവാവിനെ ഇരവിപുരം പോലീസ് അറസ്റ്റ് ചെയ്തു. അയത്തില് സ്നേഹാനഗര് 88 കാവുങ്ങല് കിഴക്കതില് നിന്നും പുന്തലത്താഴം മംഗലത്ത് നടക്കടുത്ത് സഹകരണബാങ്കിന് സമീപം ശ്രീവത്സത്തില് അനീഷ് (28) ആണ് അറസ്റ്റിലായത്.
ഇക്കഴിഞ്ഞ ശനിയാഴ്ചയാണ് ഇയാള് മൊബൈല് ക്യാമറ ഉപയോഗിച്ച് ശുചിമുറി ദൃശ്വങ്ങള് പകര്ത്താന് ശ്രമിച്ചത്. സംഭവം പുറത്തായതോടെ ഒളിവില് പോയ ഇയാളെ പിടികൂടുന്നതിനായി കൊല്ലം എസിപി പ്രദീപ് കുമാറിന്റെ നിര്ദ്ദേശ പ്രകാരം ഇരവിപുരം എസ്എച്ച്ഒ കെ. വിനോദിന്റെ നേതൃത്വത്തില് വനിതാപോലീസ് ഉള്പ്പെട്ട പ്രത്യേക അന്വേഷണ സംഘം രൂപീകരികരിച്ചു. സൈബര് സെല്ലിന്റെ സഹായത്തോടെ പ്രതിയുടെ സുഹൃത്തുക്കളുടെ ഫോണ് നമ്പര് കേന്ദ്രീകരിച്ച് നടത്തിയ അന്വേഷണത്തിലാണ് ഒളിവിലായിരുന്ന പ്രതി പിടിയിലായത്. ഇരവിപുരം വനിതാ എസ്ഐ നിത്യ സത്യന്, എസ്ഐമാരായ എ.പി. അനീഷ്, ബിനോദ്, ദീപു, പ്രൊബേഷണറി എസ്ഐ അഭിജിത്ത്, സിപിഒ വിനു വിജയ് എന്നിവരടങ്ങിയ സംഘമാണ് പ്രതിയെ പിടികൂടിയത്. ദൃശ്യങ്ങള് പകര്ത്താന് ശ്രമിച്ച മൊബൈല് ഫോണ് പോലീസ് ശാസ്ത്രീയ പരിശോധനയ്ക്കായി അയച്ചിട്ടുണ്ട്.
