ഫീനിക്‌സ്: കേരളാ ഹിന്ദൂസ് ഓഫ് നോര്‍ത്ത് അമേരിക്കയുടെ റീജണല്‍ വൈസ് പ്രസിഡണ്ടുമാരായി സോമരാജന്‍ നായര്‍(ഹൂസ്റ്റണ്‍), സുരേഷ് നായര്‍(മിനസോട്ട), ഹരീന്ദ്രനാഥ് ( മെക്‌സിക്കോ),അഞ്ജനാ കൃഷ്ണന്‍ (ടാമ്പ) എന്നിവരെ തെരഞ്ഞെടുത്തു.
ലോണ്‍ സ്റ്റാര്‍ റീജ്യന്‍ വൈസ് പ്രസിഡണ്ടായ സോമരാജന്‍ നായര്‍ നാല് പതിറ്റാണ്ടിലേറെയായി അമേരിക്കയിലെ ഹൂസ്റ്റണില്‍ വിവിധ മേഖലകളില്‍ വ്യക്തിമുദ്ര പതിപ്പിച്ച സംഘാടകനാണ്.കെ എച്ച് എന്‍ എ ജനറല്‍ സെക്രട്ടറിയായി പ്രവര്‍ത്തിച്ചിട്ടുണ്ട്. ക്ഷേത്ര കാര്യങ്ങളിലും സജീവമാണ്.
പേള്‍ലാന്‍ഡ് ശ്രീ മീനാക്ഷി ടെമ്പിള്‍ എക്‌സി .ഡയറക്ടര്‍ , സിറ്റി ഓഫ് പേള്‍ലാന്‍ഡ് ലൈബ്രറി ബോര്‍ഡ് മെമ്പര്‍, ഹൂസ്റ്റണ്‍ ചാപ്റ്റര്‍ പ്രസിഡണ്ട് , ഹൂസ്റ്റണിലെ ശ്രീ ഗുരുവായൂരപ്പന്‍ ടെമ്പിള്‍ പ്രസിഡണ്ട് , ഹൂസ്റ്റണിലെ ശ്രീ മീനാക്ഷി ക്ഷേത്രത്തിലും വാഷിംഗ്ടണ്‍ ഡി സി യിലെ ശ്രീ ശിവ വിഷ്ണു ക്ഷേത്രത്തിലും നടന്ന അയ്യപ്പ പ്രതിഷ്ഠാ മഹോത്സവത്തിന്റെ പ്രധാന സംഘാടകന്‍ , കെ എച്ച് എന്‍ എ ട്രസ്റ്റി ബോര്‍ഡ് മെമ്പര്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്.ബാങ്കുകളില്‍ ഐ ടി പ്രൊഫഷണലായി സേവനമനുഷ്ഠിച്ച സോമരാജന്‍ നായര്‍ പത്തനംതിട്ട സ്വദേശിയാണ് . ശ്യാമളാ നായര്‍ ഭാര്യയാണ് . മൂന്ന് മക്കള്‍ .
മിഡ് വെസ്റ്റ് റീജണ്‍ വൈസ് പ്രസിഡന്റായ തെരഞ്ഞെടുക്കപ്പെട്ട സുരേഷ് നായര്‍ നിലവില്‍ കേരളാ ഹിന്ദൂസ് ഓഫ് മിനസോട്ടയുടെ പ്രസിഡണ്ടാണ്. ക്ഷേത്ര സംബന്ധിയായ കാര്യങ്ങളില്‍ സജീവ സാന്നിധ്യമാണ്. കോട്ടയം വൈക്കം സ്വാദേശിയായ സുരേഷ് നായര്‍ സോഫ്ട്‌വെയര്‍ സെക്യൂരിറ്റി പ്രൊഫഷണല്‍ ആണ് . ഭാര്യ അഞ്ജനാ നായര്‍ . മൂന്ന് കുട്ടികള്‍ .
അദര്‍ റീജ്യണ്‍സ് വൈസ് പ്രസിഡണ്ടായി തെരഞ്ഞെടുക്കപ്പെട്ട ഹരീന്ദ്രനാഥ് വെങ്ങിലാട്ട് കണ്ണൂര്‍ ജില്ലയിലെ തലശ്ശേരി സ്വദേശിയാണ്. മൂന്ന് പതിറ്റാണ്ടുകളായി മെക്‌സിക്കോയില്‍ സ്ഥിരതാമസം.് .മാട്ടേല്‍ ടോയ്‌സില്‍ ടൂള്‍ റൂം മാനേജറായി പത്ത് വര്‍ഷത്തോളം സേവനമനുഷ്ഠിച്ച ഹരീന്ദ്രനാഥ് തുടര്‍ന്ന് പ്ലാസ്റ്റിക് ഇഞ്ചക്ഷന്‍ -മോള്‍ഡ് മേക്കിങ് മേഖലയില്‍ സ്വന്തമായി ബിസിനസ് ആരംഭിച്ചു വിജയിപ്പിച്ച മികച്ച വ്യവസായ സംരംഭകന്‍ കൂടിയാണ് . മെക്‌സിക്കോയിലെ ന്യുവോ ലിയോണ്‍ ക്രിക്കറ്റ് അസോസിയേഷന്റെ പ്രസിഡന്റ് പദവിയിലും ശോഭിക്കുന്നു.അപര്‍ണ്ണയാണ് ഭാര്യ .രണ്ട് മക്കള്‍ .
സൗത്ത് ഈസ്റ്റ് റീജിയണ്‍ വൈസ് പ്രസിഡണ്ടായി തെരഞ്ഞെടുക്കപ്പെട്ട അഞ്ജനാ കൃഷ്ണന്‍ സോഫ്ട്‌വെയര്‍ എന്‍ജിനീയറാണ്. ഫ്‌ലോറിഡയിലെ ആത്മീയാധ്യാത്മിക രംഗങ്ങളില്‍ സജീവമാണ് . ടാമ്പയിലെ ഹിന്ദു അസോസിയേഷന്‍ വൈസ് പ്രസിഡണ്ട് (2018 ), കെ എച്ച് എന്‍ എ വിമന്‍സ് ഫോറം അംഗം (2016 18 ) എന്നീ നിലകളില്‍ പ്രവര്‍ത്തിച്ചിട്ടുള്ള അഞ്ജനാ കൃഷ്ണന്‍ നിലവില്‍ ശാസ്താ ഹിന്ദു ടെമ്പിള്‍ കള്‍ച്ചറല്‍ കോര്‍ഡിനേറ്ററാണ് . ഭര്‍ത്താവ് : ടി ഉണ്ണികൃഷ്ണന്‍ . ഒരു മകന്‍ .
