തിരുവനന്തപുരം: യൂട്യൂബ് ചാനലിലൂടെ അശ്ലൂല ചിത്രങ്ങള് പ്രചരിപ്പിക്കുകയും അശ്ലീലമായി സംസാരിക്കുകയും ചെയ്തെന്ന പരാതിയെ തുടര്ന്ന് യൂട്യൂബര് ശ്രീലക്ഷ്മി അറയ്ക്കലിനെതിരേ സൈബര് പോലീസ് കേസ് രജിസ്റ്റര് ചെയ്തു. അഡ്വക്കേറ്റ് നെയ്യാറ്റിന്കര നാഗരാജ് നല്കിയ പാരാതിയെ തുടര്ന്നാണ് പോലീസ് നടപടി.
യൂട്യൂബ് ചാനലുകളിലൂടെ ശ്രീലക്ഷ്മി ലൈംഗിക സംഭാഷണങ്ങള് നടത്തുന്നുവെന്നും യുവതലമുറയെ തെറ്റായ രീതികളിലേക്കു നയിക്കുന്നു എന്നുമാണ് പരാതി. വീഡിയോയിലൂടെ സമൂഹത്തില് അരാജകത്വമുണ്ടാക്കാന് ശ്രമിക്കുന്നുവെന്നും പരാതിയില് ആരോപിക്കുന്നു. കേസ് രജിസ്റ്റര് ചെയ്ത സൈബര് പൊലീസ് എഫ്ഐആര് ചീഫ് ജുഡീഷ്യല് മജിസ്ട്രേറ്റ് കോടതിയില് സമര്പ്പിച്ചു.
സ്ത്രീകള്ക്കെതിരെ മോശം പാരമര്ശം നടത്തിയ യൂട്യൂബര് വിജയ് പി നായരെ കൈയ്യേറ്റം ചെയ്ത കേസിലെ പ്രതിയാണ് ശ്രീലക്ഷ്മി.
