കോഴിക്കോട്: കൊടുവള്ളി കേന്ദ്രമായി പ്രവര്‍ത്തിക്കുന്ന മതതീവ്രവാദ – കള്ളക്കടത്ത് സംഘങ്ങള്‍ക്കെതിരെ സമഗ്ര അന്വേഷണം പ്രഖ്യാപിക്കണമെന്നാവശ്യപ്പെട്ട് കൊടുവള്ളിയില്‍ യുവമോര്‍ച്ച പ്രതിഷേധജ്വാല. ഇടതു എംഎല്‍എമാരായ പി.ടി.എ. റഹീം, കാരാട്ട് റസാഖ് എന്നിവര്‍ക്ക് സ്വര്‍ണക്കടത്ത് സംഘങ്ങളുമായുള്ള ബന്ധത്തെക്കുറിച്ച് അന്വേഷണം നടത്തണമെന്നും ആവശ്യപ്പെട്ടായിരുന്നു പ്രതിഷേധം.
തിരുവനന്തപുരം സ്വര്‍ണക്കടത്ത് കേസില്‍ കസ്റ്റംസ് സംഘം ചോദ്യം ചെയ്ത ഇടതുകൗണ്‍സിലര്‍ കാരാട്ട് ഫൈസല്‍ എക്‌സിക്യൂട്ടീവ് ഡയറക്ടറായ കൊടുവള്ളി കിംസ് ട്രസ്റ്റ് ആശുപത്രിക്ക് മുന്നിലായിരുന്നു പ്രതിഷേധം. ബിജെപി സംസ്ഥാന ജനറല്‍ സെക്രട്ടറി എം.ടി. രമേശ് പ്രതിഷേധം ഉദ്ഘാടനം ചെയ്തു. യുവമോര്‍ച്ച ജില്ലാ പ്രസിഡന്റ് ടി. റെനീഷ് അദ്ധ്യക്ഷനായി.
