കാലിഫോര്ണിയ : ആകാശത്ത് വച്ച് ഇന്ധനം നിറയ്ക്കുന്നതിനിടെയുണ്ടായ കൂട്ടിയിടിയില് യുദ്ധ വിമാനം തകര്ന്നുവീണു, പൈലറ്റ് അത്ഭുതകരമായി രക്ഷപ്പെട്ടു. പൈലറ്റിനെ വിമാനത്തില് നിന്ന് പുറത്തെടുത്ത് ചികിത്സയ്ക്കായി പ്രവേശിപ്പിച്ചു.
യുഎസ് എയര് ഫോഴ്സിന്റെ വിമാനമാണ് തകര്ന്നത്. കാലിഫോര്ണിയയിലെ ഇംപീരിയല് കൗണ്ടിക്ക് മുകളില് വെച്ച് പ്രാദേശികസമയം നാല് മണിയോടെയായിരുന്നു അപകടം. ഇന്ധനം നിറയ്ക്കാനെത്തിയ ടാങ്കര് വിമാനവുമായി സിംഗിള് സീറ്റ് കോമ്പാറ്റ് വിമാനമായ ഫൈറ്റര് ജെറ്റ് എഫ്.35ബിയാണ് കൂട്ടിയിടിച്ചത്.
കെസി-130ജെ ടാങ്കര് സുരക്ഷിതമായി ലാന്ഡ് ചെയ്തെന്നും എട്ടോളം ക്രൂ അംഗങ്ങള് സുരക്ഷിതരാണെന്നും മറൈന് എയര്ക്രാഫ്റ്റ് വിങ് അധികൃതര് അറിയിച്ചു.
