ദുബായ്: ദല്ഹി ക്യാപിറ്റല്സിനെതിരായ ഐപിഎല് മത്സരത്തില് ചെന്നൈ സൂപ്പര് കിങ്സിന് 176 റണ്സ് വിജയലക്ഷ്യം. ടോസ് നഷ്ടപ്പെട്ട് ബാറ്റ് ചെയ്ത ദല്ഹി ക്യാപിറ്റല്സ് ഓപ്പണര് പൃഥ്വി ഷായുടെ അര്ധ സെഞ്ചുറിയുടെ മികവില് 20 ഓവറില് മൂന്ന് വിക്കറ്റിന് 175 റണ്സ് എടുത്തു.
പൃഥ്വി ഷാ 43 പന്തില് ഒമ്പത് ഫോറും ഒരു സിക്സറും ഉള്പ്പെടെ 64 റണ്സ് നേടി. ഋഷഭ് പന്ത് 37 റണ്സുമായി കീഴടങ്ങാതെ നിന്നു. 27 പന്ത് നേരിട്ട ഋഷഭ് പന്ത് മൂന്ന് ഫോറും ഒരു സിക്സറും അടിച്ചു. പൃഥ്വിഷാ , ശിഖര് ധവാനൊപ്പം ആദ്യ വിക്കറ്റില് 94 റണ്സ് കൂട്ടിച്ചേര്ത്തു. ധവാന് 27 പന്തില് മൂന്ന് ഫോറും ഒരു സിക്സും അടക്കം 35 റണ്സ് എടുത്തു. സ്പിന്നര് പീയൂഷ് ചൗളയുടെ പന്തില് വിക്കറ്റിന് മുന്നില് കുടുങ്ങിയാണ് ധവാന് പുറത്തായത്.
ധവാന് പിന്നാലെ പുഥ്വി ഷായും പുറത്തായി. ചൗളയുടെ പന്തില് ധോണി ഷായെ സ്റ്റമ്പ് ചെയ്ത് പുറത്താക്കി. തുടര്ന്ന് ക്രീസിലെത്തിയ ക്യാപ്റ്റന് ശ്രേയസ് അയ്യര് അയ്യര് , ഋഷഭ് പന്തിനൊപ്പം മൂന്നാം വിക്കറ്റില് 58 റണ്സിന്റെ കൂട്ടുകെട്ടുണ്ടാക്കി.. 22 പന്തില് 26 റണ്സ് എടുത്ത അയ്യര് ഒടുവില് സാം കഹന്റെ പന്തില് പുറത്തായി. ടോസ് നേടിയ ചെന്നൈ സൂപ്പര് കിങ്സ് ഫീല്ഡിങ് തെരഞ്ഞെടുക്കുകയായിരുന്നു.
ജന്മഭൂമി ഓണ്ലൈന്