തിരുവനന്തപുരം: ലൈഫ് മിഷന് ക്രമക്കേടുമായി ബന്ധപ്പെട്ട് സംസ്ഥാന സര്ക്കാര് വിജിലന്സ് അന്വേഷണം പ്രഖ്യാപിച്ചു. സ്വര്ണക്കടത്ത് കേസുമായി ബന്ധപ്പെട്ട് ലൈഫ് മിഷന് തട്ടിപ്പുകള് പുറത്തുവരികയും പിണറായി സര്ക്കാര് വിവാദത്തില് ആവുകയും ചെയ്തിരുന്നു. വിജിലൻസ് അന്വേഷിക്കാനുള്ള തീരുമാനം കേന്ദ്ര ഏജൻസികളുടെ അന്വേഷണം അട്ടിമറിക്കാനാണ്. റെഡ്ക്രസൻ്റുമായുള്ള കരാർ സംസ്ഥാനം ഒപ്പിട്ടത് കേന്ദ്രസർക്കാർ അറിയാതെയാണെന്നിരിക്കെ വിജിലൻസ് അന്വേഷണം പ്രഹസനവുമാണ്. ലൈഫിൽ കമ്മീഷൻ ലഭിച്ചത് മുഖ്യമന്ത്രിയുടെ കുടുംബത്തിനാണെന്ന ആരോപണം നിലനിൽക്കെ മുഖ്യമന്ത്രി നേരിട്ട് ഇടപ്പെട്ട് വിജിലൻസ് അന്വേഷണം നടത്തുന്നതില് ദുരൂഹയുണ്ട്
കേസിൽ കേന്ദ്ര ഏജൻസികൾ വിശദമായ അന്വേഷണം നടത്തുമ്പോൾ വിജിലൻസിനെ ഇറക്കുന്നത് അഴിമതിക്കാരെ രക്ഷിക്കാനാണെന്ന് ബി.ജെ.പി സംസ്ഥാന പ്രസിഡൻറ് കെ.സുരേന്ദ്രൻ ആരോപിച്ചു. ലൈഫ് കരാർ ഇതുവരെ പുറത്തുവിടാത്ത സർക്കാർ ഇപ്പോൾ വിജിലൻസിനെ ഉപയോഗിച്ച് രേഖകൾ നശിപ്പിക്കാനാണ് ശ്രമിക്കുന്നത്. കേന്ദ്ര ഏജൻസിയുമായി സഹകരിക്കുമെന്ന് പറയുന്ന മുഖ്യമന്ത്രി ആരോപണത്തിന്റെ കുന്തമുന തനിക്കെതിരെ തിരിഞ്ഞപ്പോൾ അന്വേഷണം അട്ടിമറിക്കാൻ ശ്രമിക്കുകയാണെന്നും സുരേന്ദ്രൻ പറഞ്ഞു
ലൈഫ് മിഷന് ക്രമക്കേടുകളെ കുറിച്ച് പ്രാഥമിക അന്വേഷണം നടത്താനാണ് നിര്ദ്ദേശം. ഇതു സംബന്ധിച്ച് വിജിലന്സ് ഡയറക്ടര്ക്ക് ആഭ്യന്തര സെക്രട്ടറി കത്ത് നല്കി. ലൈഫ് മിഷനില് സംസ്ഥാന സര്ക്കാരിന്റെ ആദ്യ അന്വേഷണമാണിത്.
പദ്ധതിക്കെതിരെ നിരവധി ആരോപണങ്ങള് ഉയര്ന്നിട്ടുണ്ടെങ്കിലും ഇതുസംബന്ധിച്ച ധാരണാപത്രം, വിവരാവകാശ നിയമപ്രകാരം ആവശ്യപ്പെട്ടിട്ടും പ്രതിപക്ഷനേതാവിനോ മാധ്യമങ്ങള്ക്കോ വെളിപ്പെടുത്താന് സര്ക്കാര് തയ്യാറായിരുന്നില്ല. എല്ലാം പരിശോധിക്കുകയാണെന്ന് മാത്രമാണ് മുഖ്യമന്ത്രി ആരോപണങ്ങള്ക്ക് മറുപടിയായി അറിയിച്ചിരുന്നത്.
വടക്കാഞ്ചേരി ലൈഫ് മിഷന് ഫ്ളാറ്റുമായി ബന്ധപ്പെട്ട് യുഎഇ ആസ്ഥാനമായി പ്രവര്ത്തിക്കുന്ന റെഡ്ക്രസന്റുമായുള്ള ഇടപാടുകള്. യുഎഇ കോണ്സുലേറ്റുമായി ധാരണാപത്രം എന്നിവ സംബന്ധിച്ചാണ് ഇപ്പോള് അന്വേഷണം നടത്തുന്നത്.
