മസ്കറ്റ്: ഒമാനില് മലയാളി നഴ്സ് കോവിഡ് ബാധിച്ച് മരിച്ചു. പത്തനംതിട്ട വെണ്ണിക്കുളം സ്വദേശിനി ബ്ളെസി തോമസ് (37) ആണ് മരിച്ചത്. ഒമാന് ആരോഗ്യമന്ത്രാലയത്തിന് കീഴില് ജോലി ചെയ്യവേ കോവിഡ് ബാധിച്ച് മരിക്കുന്ന ആദ്യ ആരോഗ്യപ്രവര്ത്തകയാണിവര്.
ഒമാനിലെ സിനാവ് ആശുപതിയില് നഴ്സായി സേവനമനുഷ്ഠിക്കുകയായിരുന്നു ബ്ലെസി. കോവിഡ് സ്ഥിരീകരിച്ചതിനെ തുടര്ന്ന് കഴിഞ്ഞ രണ്ടാഴ്ചയായി ഒമാന് ആരോഗ്യ മന്ത്രാലയത്തിന്റെ ഇബ്ര ആശുപത്രിയില് ചികിത്സയിലായിരുന്നു. രോഗം മൂര്ച്ഛിച്ചതോടെ ചികിത്സക്കായി മസ്കറ്റിലെ റോയല് ഹോസ്പിറ്റലിലേക്ക് മാറ്റുകയും ചെയ്തിരുന്നു.
വെണ്ണിക്കുളം ഇരുമ്പുകുഴി കുമ്ബളോലി കുടുംബാംഗമാണ്. ഭര്ത്താവ് സാം ജോര്ജും രണ്ടു മക്കളും മസ്കറ്റിലെ സ്ഥിരതാമസക്കാരാണ്.
