തൃശൂര്; അന്തിക്കാട് സര്ക്കാര് ജീവനക്കാരിയായ വീട്ടമ്മ ആത്മഹത്യ ചെയ്ത കേസിലെ പ്രതി രണ്ട വര്ഷത്തിന് ശേഷം പിടിയില്. കോട്ടയം പാല മുനിസിപ്പാലിറ്റിയിലെ സീനിയര് ക്ലാര്ക്ക് മണ്ണാര്ക്കാട് വീട്ടില് ബിജോയ് ജോസഫിനെ (52)യാണ് അന്തിക്കാട് പോലീസ് അറസ്റ്റ് ചെയ്തത്. 2018 ലാണ് കേസിനാസ്പദമായ സംഭവം.
2008 മുതല് 2016 വരെ പ്രതി തൃശൂര് ജില്ലയിലാണ് ജോലി ചെയ്തിരുന്നത്. ഈ കാലയളവിലാണ് സര്ക്കാര് ജീവനക്കാരിയും ഭര്തൃമതിയും രണ്ട് കുട്ടികളുടെ അമ്മയുമായ വീട്ടമ്മയെ ഇയാള് പ്രണയം നടിച്ച് ശാരീരികമായും സാമ്പത്തികമായും ചൂഷണം ചെയ്തത്. വര്ഷങ്ങളോളം തുടര്ന്ന ബന്ധത്തിനിടയില് വീട്ടമ്മ തൃശൂരിലെ സ്വകാര്യ ആശുപത്രിയില് ഗര്ഭഛിദ്രം നടത്തുകയും ചെയ്തു.
ഈ വിവരം വീട്ടിലറിഞ്ഞതോടെ പ്രശ്നങ്ങള് രൂക്ഷമായി 2018ല് യുവതി ആത്മഹത്യ ചെയ്തത്. അന്നത്തെ എസ്ഐ എസ് .ആര്. സനീഷ് അസ്വഭാവിക മരണത്തിന് കേസ്സെടുത്ത് അന്വേഷണം നടത്തിയിരുന്നു. പിന്നീട് നടത്തിയ ശാസ്ത്രീയമായ അന്വേഷണത്തിലാണ് പ്രതി കുടുങ്ങിയത്. തൃശൂര് ജുഡീഷ്യല് മജിസ്ട്രേറ്റ് കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
