കല്പ്പറ്റ: ജില്ലയില് 24 പേര്ക്ക് കൊറോണ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.ആര്. രേണുക അറിയിച്ചു. 25 പേര് രോഗമുക്തി നേടി. രോഗം സ്ഥിരീകരിച്ചവരില് ഒരാള് വിദേശത്ത് നിന്നും രണ്ട് പേര് ഇതര സംസ്ഥാനത്ത് നിന്നും എത്തിയവരാണ്. 21 പേര്ക്ക് സമ്പര്ക്കത്തിലൂടെയാണ് രോഗബാധ. ഇവരില് നാല് പേരുടെ ഉറവിടം വ്യക്തമല്ല. ഇതോടെ ജില്ലയില് കൊറോണ സ്ഥിരീകരിച്ചവരുടെ ആകെ എണ്ണം 1732 ആയി. ഇതില് 1474 പേര് രോഗമുക്തരായി.
നിലവില് 249 പേരാണ് ചികിത്സയിലുള്ളത്. കോഴിക്കോട് ചികിത്സയിലുള്ള കല്പ്പറ്റ സ്വദേശി , മൂന്ന് പനവല്ലി സ്വദേശികള്, മൂന്ന് മീനങ്ങാടി സ്വദേശികള്, പത്തനംതിട്ടയില് നിന്ന് വന്ന ബത്തേരി സ്വദേശികളായ അഞ്ചുപേര്, മൂപ്പൈനാട് സ്വദേശി, കര്ണാടകയില് നിന്ന് വന്ന രണ്ട് കമ്മന സ്വദേശികള്, ബാലുശ്ശേരിയില് നിന്ന് വന്ന ബത്തേരി സ്വദേശി, അപ്പപ്പാറ കാട്ടിക്കുളം സ്വദേശി, ഉറവിടം വ്യക്തമല്ലാത്ത രണ്ട് മാനന്തവാടി സ്വദേശികള്, തൊണ്ടര്നാട് സ്വദേശിയായ കെഎസ്ഇബി ജീവനക്കാരന്, കല്പ്പറ്റ മില്മ ജീവനക്കാരി കാക്കവയല് സ്വദേശി എന്നിവരും ഓഗസ്റ്റ് 23 ന് ദുബായില് നിന്നെത്തിയ മൂപ്പൈനാട് സ്വദേശി, കര്ണാടകയില് നിന്ന് വന്ന ബത്തേരി സ്വദേശി, കര്ണാടക സ്വദേശി എന്നിവരുമാണ് രോഗം സ്ഥിരീകരിച്ചു ചികിത്സയിലായത്.
മൂലങ്കാവ്, കണിയാമ്പറ്റ, കുപ്പാടിത്തറ, ബത്തേരി സ്വദേശികളായ രണ്ടുപേര് വീതം, മുണ്ടക്കുറ്റി, നെന്മേനി, വെങ്ങപ്പള്ളി, ചുള്ളിയോട്, പിണങ്ങോട്, മേപ്പാടി, പയ്യമ്പള്ളി, വെള്ളമുണ്ട, വാഴവറ്റ, പൊഴുതന, മീനങ്ങാടി, ബീനാച്ചി, പീച്ചങ്കോട് സ്വദേശികളായ ഓരോരുത്തര്, കോഴിക്കോട് ചികിത്സയിലായിരുന്ന പുല്പ്പള്ളി, തൊണ്ടര്നാട്, മുള്ളന്കൊല്ലി സ്വദേശികളായ ഓരോരുത്തര്, കണ്ണൂരില് ചികിത്സയിലായിരുന്ന ചെതലയം സ്വദേശി എന്നിവരാണ് രോഗം ഭേദമായി ഡിസ്ചാര്ജ് ആയത്.
പുതുതായി നിരീക്ഷണത്തിലായത് 125 പേരാണ്. 265 പേര് നിരീക്ഷണ കാലം പൂര്ത്തിയാക്കി. നിലവില് നിരീക്ഷണത്തിലുള്ളത് 2462 പേര്. ഇന്നലെ വന്ന 22 പേര് ഉള്പ്പെടെ 294 പേര് ആശുപത്രിയില് നിരീക്ഷണത്തിലാണ്. ജില്ലയില് നിന്ന് ഇന്നലെ 1022 പേരുടെ സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 58061 സാമ്പിളുകളില് 56041 പേരുടെ ഫലം ലഭിച്ചു. ഇതില് 54309 നെഗറ്റീവും 1732 പോസിറ്റീവുമാണ്.
