ബീജിങ് : ഇന്ത്യ- ചൈന അതിര്ത്തിയില് വെടിവെപ്പുണ്ടായതായി ചൈന. അതിര്ത്തിയില് പ്രകോപനപരമായി പെരുമാറിയ ചൈനീസ് സൈനികര്ക്ക് നേരെ ഇന്ത്യ വെടിയുതിര്ത്തതായാണ് റിപ്പോര്ട്ട്. ചൈനയുടെ പടിഞ്ഞാറന് മേഖല സൈനിക വക്താവ് ഷാങ് ഷുയിയാണ് ഇക്കാര്യം അറിയിച്ചത്.
വിഷയത്തില് ഇന്ത്യ ഇതുവരെ പ്രതികരിച്ചിട്ടില്ല. അതിര്ത്തിയിലെ ചൈനീസ് ക്യാമ്പുകള്ക്കെതിരെ ഇന്ത്യന് സൈന്യം ശക്തമായി നിലയുറപ്പിച്ചിരിക്കുകയായിരുന്നു. ചൈനയുടെ കടന്നുകയറ്റ ശ്രമം ഇന്ത്യ ചെറുത്തുവെന്ന് ഉന്നതവൃത്തങ്ങളെ ഉദ്ധരിച്ച് വാര്ത്താ ഏജന്സികള് റിപ്പോര്ട്ട് ചെയ്യുന്നുണ്ടെങ്കിലും കൂടുതല് ഔദ്യോഗിക വിശദീകരണങ്ങള് പുറത്തുവിട്ടിട്ടില്ല. പ്രദേശത്തെ നിയന്ത്രണം കൈക്കലാക്കാന് ചൈന ശ്രമിച്ചതിനെ തുടര്ന്നാണ് ഇന്നലെ വെടിവെപ്പുണ്ടായതെന്ന് സ്ഥിരീകരിക്കാത്ത റിപ്പോര്ട്ട് ഉണ്ട്. ചൈനയുടെ പ്രകോപനപരമായ നീക്കങ്ങള്ക്ക് ഇത് കര്ശ്ശന താക്കീതാണ് നല്കിയിരിക്കുന്നത്.
നേരത്തെ പാങ്ങോങ്ങില് ചൈനീസ് സൈനികര് നുഴഞ്ഞു കയറാന് ശ്രമിച്ചതും ഇന്ത്യ തടഞ്ഞിരുന്നു. ഈ സംഭവം ചൈനീസ് പ്രസിഡന്റ് ഷീ ജിന്പിങ്ങിനെ അസ്വസ്ഥനാക്കുന്നുണ്ടെന്നാണ് ഇപ്പോള് പുറത്തു വരുന്നുണ്ടെന്നാണ് ചൈനീസ് മാധ്യമങ്ങള് റിപ്പോര്ട്ട് ചെയ്തിരിക്കുന്നത്. ഇന്ത്യയുടെ ഭാഗത്തും നിന്നും അത്തരത്തിലൊരു പ്രത്യാക്രമണം ചൈനയൊട്ടും പ്രതീക്ഷിച്ചതല്ലെന്നാണ് റിപ്പോര്ട്ടുകളില് പറയുന്നത്.
ഫിംഗര് ഏരിയ ഉള്പ്പെടെ ഒന്നിലധികം പ്രദേശങ്ങളില് ചൈനീസ് സൈന്യം നടത്തിയ അതിക്രമങ്ങളെച്ചൊല്ലി ഇന്ത്യയും ചൈനയും ഏപ്രില് മുതല് സംഘര്ഷാവസ്ഥ നിലനില്ക്കുന്നുണ്ട്. ജൂണില് ഗാല്വാന് താഴ്വരയില് ചൈനീസ് സൈനികരുമായുള്ള ഏറ്റുമുട്ടലില് 20 ഇന്ത്യന് സൈനികര് വീരമൃത്യു വരിച്ചതിനെ തുടര്ന്ന് സ്ഥിതി കൂടുതല് വഷളായിരുന്നു. തുടര്ന്ന് ഇരുരാജ്യങ്ങളുടേയും സൈനിക ഉന്നതതല പ്രതിനിധികള് തമ്മില് ചര്ച്ചകളും നടത്തിയിരുന്നു. ഇത് കൂടാതെ ഷാങ്ഹായ് ഉച്ചകോടിക്കിടെ പ്രതിരോധ മന്ത്രി രാജ്നാഥ് സിങ്ങും ചൈനീസ് മന്ത്രിയും ഇതുസംബന്ധിച്ചും ചര്ച്ചകള് നടത്തിയിരുന്നു.
