കാസര്കോട്: കാസര്കോട് ഏറ്റവും ഉയര്ന്ന കോവിഡ് പോസ്റ്റീവ് കേസുകള് ഇന്നലെ റിപ്പോര്ട്ട് ചെയ്തതോടെ ജില്ല വീണ്ടും ആശങ്കയിലേക്ക്. ഇന്നലെ 174 പേര്ക്ക് കൂടി കോവിഡ് 19 സ്ഥിരീകരിച്ചു. 154 പേര്ക്ക് സമ്പര്ക്കത്തിലൂടെയാണ് രോഗം സ്ഥിരീകരിച്ചത്. 15 വിദേശത്ത് നിന്നും അഞ്ച് പേര് ഇതരസംസ്ഥാനത്ത് നിന്നുമെത്തിയതാണെന്ന് ഡിഎ ഒ ഡോ എ.വി രാംദാസ് അറിയിച്ചു.
89 പേര്ക്ക് കോവിഡ് നെഗറ്റീവായി. വീടുകളില് 4149 പേരും സ്ഥാപനങ്ങളില് 970 പേരുമുള്പ്പെടെ ജില്ലയില് ആകെ നിരീക്ഷണത്തിലുള്ളത് 5119 പേരാണ്. പുതിയതായി 322 പേരെ കൂടി നിരീക്ഷണത്തിലാക്കി. സെന്റിനല് സര്വ്വേ അടക്കം പുതിയതായി 1263 സാമ്പിളുകള കൂടി പരിശോധനയ്ക്ക് അയച്ചു. 831 പേരുടെ പരിശോധനാ ഫലം ലഭിക്കാനുണ്ട്. 296 പേര് നിരീക്ഷണ കാലയളവ് പൂര്ത്തിയാക്കി. 62 പേരെ ആശുപത്രികളിലും കോവിഡ് കെയര് സെന്ററുകളിലുമായി പ്രവേശിപ്പിച്ചു. ആശുപത്രികളില് നിന്നും കോവിഡ് കെയര് സെന്ററുകളില് നിന്നും 152 പേരെ ഡിസ്ചാര്ജ് ചെയ്തു.
തദ്ദേശ സ്വയംഭരണ സ്ഥാപനം തിരിച്ചുള്ള കണക്ക്:
പള്ളിക്കര(22), കാഞ്ഞങ്ങാട്(19), ചെമ്മനാട്(16), അജാനൂര്(15), ഉദുമ(15), തൃക്കരിപ്പൂര്(11), കുമ്പള(9), പുല്ലൂര്പെരിയ, കാസര്കോട് എട്ട് വീതം, കള്ളാര്(7), മധൂര്, മഞ്ചേശ്വരം ആറ് വീതം, കയ്യൂര്ചീമേനി(5), മടിക്കൈ, ചെങ്കള നാല് വീതം, പിലിക്കോട്, നീലേശ്വരം മൂന്ന് വീതം, പുത്തിഗെ(2), ബെള്ളൂര്, കരിവെള്ളൂര്, മൊഗ്രാല്പുത്തൂര്, മംഗല്പാടി, പനത്തടി, മുളിയാര്, എന്മകജെ, വലിയറമ്പ, കളനാട്, കാറഡുക്ക, തലശ്ശേരി ഒന്ന് വീതവുമാണ് കോവിഡ് പോസ്റ്റീവായത്.
