തിരുവനന്തപുരം: സെക്രട്ടേറിയറ്റിലെ കമ്പ്യൂട്ടര് സെല്ലില് എല്ഡി ക്ലര്ക്ക് തസ്തികയിലും താത്കാലിക നിയമനം. യുവതിക്ക് താത്കാലിക നിയമനം നല്കിയത് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കര്. അന്താരാഷ്ട്ര സ്വര്ണക്കടത്ത് കേസില് ആരപണവിധേയനായി പുറത്താകുന്നതിന് മുമ്പാണ് ഈ നിയമനം നടത്തിയത്.
റാങ്ക് പട്ടികയില് ഇടം പിടിച്ച് നിരവധി പേരും എംപ്ലോയ്ിമെന്റ് എക്സ്ചേഞ്ചില് ആയിരങ്ങളും നിലനില്ക്കുമ്പോഴാണ് ഈ താത്കാലിക നിയമനം. ഐടി സെക്രട്ടറി സ്ഥാനത്തുനിന്ന് ശിവശങ്കറിനെ പുറത്താക്കുന്നതിന് രണ്ടാഴ്ച മുമ്പ് ജൂണ് 10നാണ് ഒരു വര്ഷത്തേക്കുള്ള നിയമനം. എല്ഡി ക്ലാര്ക്കിന്റെ ശമ്പള വ്യവസ്ഥയിലാണ് നിയമനം. പിണറായി സര്ക്കാരും ശിവശങ്കറും നടത്തുന്ന അനധികൃത താത്കാലിക നിയമനങ്ങള് വിവാദമാകുന്നതിനിടെയാണ് പുതിയ നിയമനവും പുറത്തുവന്നത്.
