തൃശൂര്: കൃത്യനിര്വഹണം തടസപ്പെടുത്തി വടക്കേക്കാട് പോലീസിനെ ആക്രമിച്ച കേസില് നാലുപേര് അറസ്റ്റില്.എടക്കഴിയൂര് തറയില് ബിനോജ്(28), പുന്നയൂര് വെട്ടിപ്പുഴ ആലംചുവട് പുഴക്കല് രഞ്ജിത്ത്(33), സഹോദരന് റെജിന്ദാസ്(35), വെട്ടിപ്പുഴ ചിമ്മിനിബിനീഷ്(28) എന്നിവരാണ് അറസ്റ്റിലായത്.
പുന്നയൂര് വെട്ടിപ്പുഴയില് വെച്ച് സാമൂഹിക അകല പാലനം പരിശോധിക്കുന്ന പോലീസുകാരോട് വിലായം പറയാന് മടിക്കുകയും തുടര്ന്ന് തട്ടിക്കയറുകയും ചെയ്ത പ്രതികള് വടക്കേക്കാട് സിപിഒ സൈനുലാബിദിന്റെ യൂണിഫോമില് കയറിപ്പിടിച്ച് ആക്രമിക്കുകയായിരുന്നു. വിവരമറിഞ്ഞ് ഉടന് തന്നെ സ്ഥലത്തെത്തിയ എസ്എച്ച്ഒ എം. സുരേന്ദ്രന്, എസ്ഐ അബ്ദുല് ഹക്കിം എന്നിവരുടെ നേതൃത്വത്തിലുള്ള പോലീസ് സംഘം പ്രതികളെ അറസ്റ്റ് ചെയ്തു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
