തൃശൂര്: ജില്ലയില് 24 പേര്ക്ക് കൂടി കൊറോണ സ്ഥിരീകരിച്ചു. 59 പേര് രോഗമുക്തരായി. ഇതോടെ ജില്ലയില് രോഗബാധിതരായി ചികിത്സയില് കഴിയുന്നവരുടെ എണ്ണം 536 ആയി. ഇതുവരെ രോഗം സ്ഥിരീകരിച്ചവരുടെ എണ്ണം 2029 ആയി. തൃശൂര് സ്വദേശികളായ 10 പേര് മറ്റു ജില്ലകളില് ചികിത്സയില് കഴിയുന്നു. ഇതുവരെ രോഗമുക്തരായവരുടെ എണ്ണം 1476 ആണ്.
ഇന്നലെ 23 പേര്ക്ക് സമ്പര്ക്കത്തിലൂടെ രോഗം സ്ഥിരീകരിച്ചു. ഇതില് രണ്ട് കേസുകള് ഉറവിടം അറിയാത്തതാണ്. അഞ്ച് ആരോഗ്യ പ്രവര്ത്തകര്ക്ക് രോഗം സ്ഥിരീകരിച്ചു. അഞ്ച് ക്ലസ്റ്ററുകള് മുഖേന രോഗം പകര്ന്നു. ഇരിങ്ങാലക്കുട ക്ലസ്റ്റര്- ആറ്, പുത്തന്ചിറ ക്ലസ്റ്റര്- 3, പട്ടാമ്പി ക്ലസ്റ്റര് – ഒന്ന്, മങ്കര ക്ലസ്റ്റര് -ഒന്ന്, ഇരിങ്ങാലക്കുട ജിഎച്ച് ക്ലസ്റ്റര്- ഒന്ന് എന്നിങ്ങനെയാണ് ക്ലസ്റ്ററുകളിലെ രോഗപ്പകര്ച്ച. മറ്റ് സമ്പര്ക്കം വഴി 4 പേര്ക്കും രോഗം സ്ഥിരീകരിച്ചു. കൂടാതെ സൗദിയില് നിന്നുവന്ന ഒരാള്ക്കും രോഗം സ്ഥിരീകരിച്ചു.
രോഗം സ്ഥീരികരിച്ച് തൃശൂര് ഗവ. മെഡിക്കല് കോളജിലും മറ്റ് ആശുപത്രികളിലും ഫസ്റ്റ് ലൈന് ട്രീറ്റ്മെന്റ് സെന്ററുകളിലുമായി കഴിയുന്നവര്. ശനിയാഴ്ചയിലെ കണക്ക്:
ഗവ. മെഡിക്കല് കോളേജ് തൃശൂര്-66, ഇ.എസ്.ഐ സി.ഡി ഹോസ്പിറ്റല് മുളങ്കുന്നത്തുകാവ്- 26, ജനറല് ആശുപത്രി തൃശൂര്-13, കൊടുങ്ങല്ലൂര് താലൂക്ക് ആശുപത്രി- 18, സി.എഫ്.എല്.ടി.സി കില ബ്ലോക്ക് ഒന്ന് മുളങ്കുന്നത്തുകാവ്-81, കില ബ്ലോക്ക് രണ്ട- 53, വിദ്യ സി.എഫ്.എല്.ടി.സി വേലൂര്-151, എം.എം.എം കോവിഡ് കെയര് സെന്റര് തൃശൂര് – 20, ചാവക്കാട് താലൂക്ക് ആശുപത്രി -10, ചാലക്കുടി താലൂക്ക് ആശുപത്രി -7, സി.എഫ്.എല്.ടി.സി കൊരട്ടി – 37, കുന്നംകുളം താലൂക്ക് ആശുപത്രി -10, ജി.എച്ച്. ഇരിങ്ങാലക്കുട – 14, ജി എച്ച് വടക്കാഞ്ചേരി – 1, സെന്റ് ജെയിംസ് ചാലക്കുടി- 1, ഹോം ഐസോലേഷന് – 4.
