ആലപ്പുഴ: കെഎസ്എഫ്ഇ ശാഖ കുത്തിത്തുറക്കുന്നതിനിടെ സിപിഎം മുന് ബ്രാഞ്ച് സെക്രട്ടറിയെ പോലീസ് കൈയോടെ പൊക്കി. കെ.എസ്.എഫ്.ഇ മാവേലിക്കര ശാഖയിലെ മോഷണശ്രമത്തിനിടെയാണ് സി.പി.എം മുന് ബ്രാഞ്ച് സെക്രട്ടറി ചെട്ടികുളങ്ങര കണ്ണമംഗലം സ്വദേശി ഓമനക്കുട്ടനെ പോലീസ് അറസ്റ്റ് ചെയ്തത്. രണ്ടു ദിവസം മുന്പു വരെ പ്രദേശത്തെ വീടുകളില് സ്വര്ണക്കടത്തു കേസില് സിപിഎം സ്വീകരിക്കുന്ന നിലപാടുകള് വിശദീകരിക്കാന് വീടുകളില് എത്തിയത്ഓമനക്കുട്ടന്നായിരുന്നു.
കെ.എസ്.എഫ്.ഇ മാവേലിക്കര രണ്ടാം ശാഖയുടെ പൂട്ട് പൊളിച്ച് അകത്ത് കടന്ന ഓമനക്കുട്ടന് സ്ട്രോംഗ് റൂം തകര്ക്കുന്നതിനിടെയാണ് മാവേലിക്കര പോലീസിന്റെ പിടികൂടിയത്. മാസങ്ങള്ക്കു മുന്പ് തേങ്ങാമോഷണത്തിന് ഓമനക്കുട്ടന് പിടിയിലായിരുന്നെങ്കിലും പരാതിക്കാര് ഇല്ലാതിരുന്നതിനാല് കേസെടുക്കാതെ താക്കീത് നല്കി വിട്ടയയ്ക്കുകയായിരുന്നു.
