കൊല്ലം: നടുറോഡില് അമിതവേഗത്തില് പാഞ്ഞ് ബൈക്ക് സ്റ്റണ്ടിംഗ് നടത്തിയ ഫ്രീക്കന്മാരെയും ബൈക്കടക്കം പൊക്കി ട്രാഫിക്ക് പോലീസ് . കര്ബല ജംഗ്ഷനില് നിന്നാണ് ഉമയനല്ലൂര് കരിക്കോട് സ്വദേശികളായ രണ്ട് ഫ്രീക്കന്മാരുടെ ആഡംബര ബൈക്കുകളാണ് ട്രാഫിക്ക് പോലീസ് പിടികൂടിയത്.
കഴിഞ്ഞ കുറച്ചുനാളുകളായ ഇവരെ കുറിച്ച് പരാതികള് ലഭിച്ചിരുന്നതായി ട്രാഫിക്ക് എസ്ഐ പ്രദീപ് പറഞ്ഞു. കോളേജ് ജംഗ്ഷന്, കര്ബല, ചെമ്മാന്ക്ക്, ആശ്രാമം തുടങ്ങിയ പ്രദേശങ്ങളിലാണ് ഇവരുടെ പ്രകടനം. ബൈക്കില് സൈലന്സറും നവീകരിച്ച് വന് ശബ്ദത്തോടെയായിരുന്നു സ്റ്റണ്ടിംഗ്.
ഒരു ബൈക്കില് നമ്പര് പ്ലേറ്റ് ഉണ്ടായിരുന്നില്ല. ബൈക്കുകള് കോടതിയില് ഹാജരാക്കി പിഴയീടാക്കുമെന്നു ട്രാഫിക് പോലീസ് പറഞ്ഞു.
