തൃശൂര്: ഒന്നാം വര്ഷ ഹയര് സെക്കന്ററി ഫലം പ്രസിദ്ധീകരിച്ചു. ഒന്നാം വര്ഷ പരീക്ഷക്ക് ജയപരാജയങ്ങളില്ല. രണ്ട് വര്ഷത്തെയും കൂട്ടി മാര്ക്ക് ഒന്നിച്ചാണ് പ്ലസ് ടുവിന് പരിഗണിക്കുക. ജില്ലയില് 35433 പേരാണ് ഒന്നാം വര്ഷ പരീക്ഷയ്ക്കായി രജിസ്റ്റര് ചെയ്തത്. ഇതില് 34629 പേരാണ് പരീക്ഷ എഴുതിയത്.
റെഗുലര് വിഭാഗത്തില് 31216, ഓപ്പണ് വിഭാഗത്തില് 3176, ടെക്നിക്കല് വിഭാഗത്തില് 71, സ്പെഷ്യല് വിഭാഗത്തില് 86, കലാമണ്ഡലം വിഭാഗത്തില് 80 എന്നിങ്ങനെയാണ് പരീക്ഷ എഴുതിയവരുടെ കണക്ക്.
ഉത്തരക്കടലാസുകളുടെ പുനര്മൂല്യ നിര്ണ്ണയം, സൂക്ഷ്മ പരിശോധന, ഫോട്ടോ കോപ്പി എന്നിവക്ക് നിര്ദ്ദിഷ്ട ഫോറങ്ങളിലുള്ള അപേക്ഷ ഫീസ് സഹിതം മാര്ച്ചില് പരീക്ഷ എഴുതിയ സ്കൂളിലെ പ്രിന്സിപ്പാലിന് ആഗസ്റ്റ് മൂന്നിനകം അപേക്ഷ സമര്പ്പിക്കണമെന്ന് ജില്ലാ ഹയര്സെക്കന്ററി അക്കാദമിക് കോര്ഡിനേറ്റര് വി എം കരീം അറിയിച്ചു. അപേക്ഷ ഫോറങ്ങള് അതാതു സ്കൂളുകളില് നിന്നും ലഭിക്കും.
