കാസര്കോട്: കാസര്കോട് അഞ്ചു പോലീസ് സ്റ്റേഷന് പരിധികള്ക്കു പിന്നാലെ ചന്തേര പോലീസ് സ്റ്റേഷന് പരിധിയിലും കളക്ടര് നിരോധനാജ്ഞ പ്രഖ്യാപിച്ചു. ഓട്ടോ, ടാക്സി എന്നീ പൊതു ഗതാഗത സംവിധാനങ്ങള് ഈ പ്രദേശങ്ങളില് നിരോധിച്ചു.
ആളുകള് കൂട്ടം കൂടരുത്. നിരോധനാജ്ഞ പ്രഖ്യാപിച്ച മേഖലയില് എല്ലാ കടകളും രാവിലെ 11 മുതല് വൈകിട്ട് അഞ്ചു വരെ മാത്രമേ പ്രവര്ത്തിക്കാന് അനുമതി നല്കൂ. കണ്ടെയ്ന്മെന്റ് സോണുകളില് ഒന്നിടവിട്ട ദിവസങ്ങളില് അവശ്യസാധന കടകള് മാത്രം രാവിലെ 11 മുതല് അഞ്ചു വരെ തുറക്കാം.
പൊതു ഇടങ്ങളിലേക്കുള്ള അനാവശ്യ യാത്രകള് നിരോധിച്ചു. മാസ്ക്, സോപ്പ് സാനിറ്റെസര്, രണ്ട് മീറ്റര് ശാരീരിക അകലം എന്നിവ ഉറപ്പാക്കേണ്ടതാണെന്നും ജില്ലാ കളക്ടര് അറിയിച്ചു. മഞ്ചേശ്വരം, കുമ്പള, കാസര്കോട്, ഹൊസ്ദുര്ഗ്, നീലേശ്വരം പോലീസ് സ്റ്റേഷന് പരിധികളിലാണ് നേരത്തെ നിരോധനാജ്ഞ പ്രഖ്യാപിച്ചത്.
