ബീജിങ്: ചൈനയില്‍ പുതുതായി രൂപമെടുത്ത ഷിന്‍ജിയാങ് ക്ലസ്റ്ററില്‍ തുടര്‍ച്ചയായ മൂന്നാം ദിവസവും ഉയര്‍ന്ന വൈറസ് വ്യാപനം. മാര്‍ച്ച് ആറിന് ശേഷം ചൈനയില്‍ കൊറോണ വ്യാപനം ഇത്രത്തോളം ഉയരുന്നത് ഇതാദ്യം. 57 പേര്‍ക്കാണ് ഷിന്‍ജിയാങ് പ്രവിശ്യയില്‍ ഇന്നലെ രോഗം കണ്ടെത്തിയത്. രണ്ടാഴ്ചയ്‌ക്കിടെ ആദ്യമായി ബീജിങ്ങില്‍ സമ്പര്‍ക്ക വ്യാപനവും റിപ്പോര്‍ട്ട് ചെയ്തു. ഇന്നലെ മാത്രം ചൈനയില്‍ റിപ്പോര്‍ട്ട് ചെയ്തത് 68 പുതിയ രോഗികള്‍.
അതേസമയം, ഉത്തര കൊറിയയിലെ കൊറോണ ബാധ സംബന്ധിച്ച് കൂടുതല്‍ വിവരങ്ങള്‍ പുറത്തുവന്നു. മൂന്ന് വര്‍ഷം മുന്‍പ് രാജ്യത്ത് നിന്ന് പലായനം ചെയ്തയാള്‍ അടുത്തിടെ അതിര്‍ത്തിയിലെ നിയന്ത്രണങ്ങള്‍ ലംഘിച്ച് തിരിച്ചെത്തിയപ്പോള്‍ രോഗലക്ഷണങ്ങള്‍ കണ്ടിരുന്നു. തുടര്‍ന്ന് രാജ്യം കൂടുതല്‍ ജാഗ്രതയിലേക്ക് കടക്കുകയായിരുന്നുവെന്നാണ് അന്താരാഷ്‌ട്ര മാധ്യമങ്ങള്‍ റിപ്പോര്‍ട്ട് ചെയ്തത്.
