ബാഴ്സലോണ: ലയണല് മെസി ബാഴ്സലോണയുമായി പുതിയ കരാര് ഒപ്പുവയ്ക്കുമെന്ന് ബാഴ്സലോണ ക്ലബ്ബ് പ്രസിഡന്റ് ജോസഫ് മരിയ ബാര്ത്തോമിയു. ഒരു സംശയവുമില്ല, മെസി കരാറില് ഒപ്പിടുമെന്ന് ബര്ത്തോമ്യൂ പറഞ്ഞു.
ലാ ലിഗ ടീമായ ബാഴ്സലോണയുമായുള്ള മെസിയുടെ നിലവിലെ കരാര് അടുത്ത വര്ഷമാണ് അവസാനിക്കുക. വിരമിക്കുന്നത് വരെ ബാഴ്സലോണക്കായി കളിക്കണമെന്നാണ് തന്റെ ആഗ്രഹമെന്ന്് മെസി പലവട്ടം വ്യക്തമാക്കിയിട്ടുണ്ട്. അതിനാല് മെസി ബാഴ്സ വിട്ടുപോകില്ലെന്ന് തനിക്ക് ഉറപ്പുണ്ടെന്ന്് ബര്ത്തോമ്യൂ വെളിപ്പെടുത്തി.
ഈ സീസണില് ലാ ലിഗ കിരീടപ്പോരാട്ടത്തില് റയല് മാഡ്രിഡിനോട് ബാഴ്സലോണ തോറ്റതില് നിരാശനാണ് മെസി. നിലവിലെ ബാഴ്സ ടീം ദുര്ബലമാണെന്നും സ്ഥിരതയില്ലാത്തതാണെന്നും മെസി പറഞ്ഞിരുന്നു.
