തൊടുപുഴ: കാര്‍ഗില്‍ വിജയ് ദിവസ് അനുസ്മരണത്തിന്റെ ഭാഗമായി ധീര സൈനീകര്‍ക്ക് പുഷ്പാര്‍ച്ചന നടത്തി. തൊടുപുഴയിലെ കാര്‍ഗില്‍ സ്മൃതി മണ്ഡപത്തിലാണ് പൂര്‍വ്വ സൈനിക സേവാപരിഷത്തും സേവാഭാരതിയും സംയുക്തമായി പുഷ്പാര്‍ച്ചന നടത്തിയത്.
പൂര്‍വ്വ സൈനിക സേവാപരിഷത്ത് പ്രവര്‍ത്തകരായ സോമശേഖരന്‍ പി.ജി, വേണുഗോപാല്‍ എന്‍, രാജ്കുമാര്‍ സി.എ, കൃഷ്ണകുമാര്‍ എ.ജി, ചന്ദ്രശേഖരപിള്ള, ആര്‍എസ്എസ് ജില്ലാ സഹ കാര്യവാഹ് ജി. പ്രദീപ്, സേവാഭാരതി പ്രവര്‍ത്തകരായ ആര്‍. രാജേഷ് (അന്തരിച്ച മേജര്‍ ലാല്‍കൃഷ്ണയുടെ സഹോദരന്‍), ജില്ലാ സെക്രട്ടറി വി.കെ. ഷാജി തുടങ്ങിയവര്‍ വീരമൃത്യു വരിച്ച ജവാന്മാരെ അനുസ്മരിച്ച് സംസാരിച്ചു.
ബിജെപി തൊടുപുഴ മണ്ഡലം കമ്മിറ്റിയുടെ ആഭിമുഖ്യത്തില്‍ കാര്‍ഗില്‍ വിജയ് ദിവസ് അനുസ്മരണം നടത്തി. ലാന്‍സ് നായിക് സ്വര്‍ഗീയ പി.കെ. സന്തോഷ് കുമാറിന്റെ സ്മൃതി മണ്ഡപത്തില്‍ ബിജെപി മണ്ഡലം പ്രസിഡന്റ് പ്രസാദ് വണ്ണപ്പുറത്തിന്റെ നേതൃത്വത്തില്‍ പുഷ്പാര്‍ച്ചന നടത്തി.
എസ്‌സി മോര്‍ച്ച ജില്ലാ പ്രസിഡന്റ് സി.സി. കൃഷ്ണന്‍, ബിജെപി ജില്ലാ സെക്രട്ടറി അഡ്വ. അമ്പിളി അനില്‍, എസ്‌സി മോര്‍ച്ച ജില്ലാ ജനറല്‍ സെക്രട്ടറി കെ.എന്‍. സഹജന്‍, ബിജെപി ജില്ലാ ഓഫീസ് സെക്രട്ടറി സനല്‍ പുരുഷോത്തമന്‍, യുവമോര്‍ച്ച മണ്ഡലം പ്രസിഡന്റ് മനു ഹരിദാസ്, മഹിളാ മോര്‍ച്ച മണ്ഡലം സെക്രട്ടറി വത്സാ ബോസ്, യുവമോര്‍ച്ച മുന്‍സിപ്പല്‍ പ്രസിഡന്റ് ബി. വിശാഖ്, ജനറല്‍ സെക്രട്ടറി അര്‍ജുന്‍ രാധാകൃഷ്ണന്‍, എബിവിപി നഗര്‍ സെക്രട്ടറി രമേശ് തൊണ്ടിക്കുഴ തുടങ്ങിയവര്‍ കാര്‍ഗില്‍ സ്മൃതി മണ്ഡപത്തില്‍ പുഷ്പാര്‍ച്ചന നടത്തി.
പ്രതികരിക്കാൻ ഇവിടെ എഴുതുക: