കാസര്കോട്: കാസര്കോട് ജില്ലയില് ഇന്നലെ 29 പേര്ക്ക് കൂടി കോവിഡ് സ്ഥിരീകരിച്ചു. രോഗം സ്ഥിരീകരിച്ചവരില് 22 പേര്ക്ക് സമ്പര്ക്കത്തിലൂടെയും 5 പേര് ഇതര സംസ്ഥാനത്ത് നിന്ന് വന്നവരും രണ്ട് പേര് വിദേശത്ത് നിന്നെത്തിയവരുമാണെന്ന് ഡിഎംഒ ഡോ എ.വി രാംദാസ് അറിയിച്ചു.
സമ്പര്ക്കത്തിലൂടെ ബളാല് പഞ്ചായത്തിലെ 18 വയസുകാരന് (ഉറവിടം ലഭ്യമല്ല), മഞ്ചേശ്വരം പഞ്ചായത്തിലെ 28 കാരന് (പ്രാഥമിക സമ്പര്ക്കം), 60, 49, 51 വയസുള്ള പുരുഷന്മാര് (ഇവരുടെ ഉറവിടം ലഭ്യമല്ല), കുമ്പള പഞ്ചായത്തിലെ 21, 22, 50 വയസുള്ള പുരുഷന്മാര്, ചെങ്കള പഞ്ചായത്തിലെ 34, 65, 38 വയസുള്ള പുരുഷന്മാര് 47വയസുകാരി, മീഞ്ച പഞ്ചായത്തിലെ 33, 35 വയസുള്ള പുരുഷന്മാര്, 7, 14 വയസുള്ള ആണ്കുട്ടികള്, 31, 32 വയസുള്ള സ്ത്രീകള്, പുല്ലൂര് പെരിയ പഞ്ചായത്തിലെ 74 (ഉറവിടം ലഭ്യമല്ല), 47 വയസുള്ള സ്ത്രീകള്, കുമ്പള പഞ്ചായത്തിലെ ദമ്പതികളായ 52 കാരന്, 45 കാരി എന്നിവര്ക്കും, ഇതരസംസ്ഥാനത്ത് നിന്നായി ജൂലൈ രണ്ടിന് വന്ന കാസര്കോട് നഗരസഭയിലെ 26 കാരന്, ജൂണ് 23ന് വന്ന മധുര് പഞ്ചായത്തിലെ 31കാരന്(ബംഗളൂരു), ജൂലൈ ഏഴിന് വന്ന് പുത്തിഗെ പഞ്ചായത്തിലെ 38 കാരന്, ജൂലൈ അഞ്ചിന് വന്ന മംഗല്പാടി പഞ്ചായത്തിലെ 50കാരന് (കര്ണ്ണാടക), ജൂലൈ അഞ്ചിന് വന്ന ഉപ്പള പഞ്ചായത്തിലെ 31 കാരന് (ഉത്തര്പ്രദേശ്) എന്നിവര്ക്കും, വിദേശത്ത് സൗദിയില് നിന്ന് ജൂലൈ രണ്ടിന് വന്ന കുറ്റിക്കോല് പഞ്ചായത്തിലെ 28 കാരന്, ദുബായില് നിന്ന് ജൂണ് 24 ന് വന്ന കാഞ്ഞങ്ങാട് നഗരസഭയിലെ 38 കാരന്.
കാസര്കോട് മെഡിക്കല് കോളേജില് കോവിഡ് ചികിത്സയിലായിരുന്ന 7 പേര്ക്ക് നെഗറ്റീവായി. വീടുകളില് 5069 പേരും സ്ഥാപനങ്ങളില് നീരിക്ഷണത്തില് 877 പേരുമുള്പ്പെടെ ജില്ലയില് നിരീക്ഷണത്തിലുള്ളത് 5946 പേരാണ്. പുതിയതായി 169 പേരെ നീരിക്ഷണത്തിലാക്കി. സെന്റിനല് സര്വ്വെ അടക്കം 325 പേരുടെ സാമ്പിളുകള് കൂടി പരിശോധനയ്ക്ക് അയച്ചു. 884 പേരുടെ പരിശോധനാ ഫലം ലഭിക്കാനുണ്ട്. 489 പേര് നിരീക്ഷണകാലയളവ് പൂര്ത്തീകരിച്ചു.
