മലപ്പുറം: തിരുവനന്തപുരം സ്വര്‍ണക്കടത്തുമായി ബന്ധപ്പെട്ട് മുസ്ലിം ലീഗിന്റെ നേതാക്കള്‍ക്ക് യാതൊരു ബന്ധവുമില്ലെന്ന് മുസ്ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ്. പേര് മുസ്ലിം ആണ് എന്നത് കൊണ്ട് മുസ്ലിം ലീഗ് ആകണമെന്നില്ല. ഇതിനു പിന്നിലെല്ലാം സി.പി.എമ്മിന്റെ വ്യക്തായ രാഷ്‌ട്രീയ അജണ്ടയാണ്.
സ്വര്‍ണക്കടത്ത് അന്വേഷണം നടക്കുമ്പോള്‍ നെഞ്ചിടിപ്പ് മുഖ്യമന്ത്രിക്ക് മാത്രമാണ്. സ്പ്രിങ്ക്‌ലര്‍, ഇ-മൊബിലിറ്റി, കെ-ഫോണ്‍ ഉള്‍പ്പെടെ മുഖ്യമന്ത്രിയുടെ ഓഫീസിനെതിരെ നിരന്തരം ആരോപണമുയര്‍ന്നു. എല്ലാത്തിനും മുഖ്യമന്ത്രിയുടെ മൗനാനുവാദം ലഭിച്ചിട്ടുണ്ട്. സ്വര്‍ണകടത്തിലും മുഖ്യമന്ത്രിയുടെ ഓഫീസ് ഇടപെട്ടതായുള്ള വ്യക്തമായ തെളിവുകള്‍ പുറത്തു വന്നു കൊണ്ടിരിക്കുകയാണ്. എന്നാല്‍ ഇതിലൊന്നും കൃത്യമായ മറുപടി മുഖ്യമന്ത്രി നല്‍കിയില്ല. മുഖ്യമന്ത്രിയുടെ ഓഫീസിനെതിരെ ഉയര്‍ന്ന് വന്ന ആരോപണങ്ങളില്‍ നിന്ന് മുഖ്യമന്ത്രിക്ക് ഒഴിഞ്ഞു നില്‍ക്കാനാവില്ലെന്നും കെ.പി.എ മജീദ് പറഞ്ഞു.
