വാഷിംഗ്ടണ്: മാസ്ക് ധരിച്ച് പൊതുസ്ഥലത്ത് പ്രത്യക്ഷപ്പെട്ട് അമേരിക്കന് പ്രസിഡന്റ് ഡൊണാള്ഡ് ട്രംപ്. ശനിയാഴ്ച സൈനിക ആശുപത്രി സന്ദര്ശിക്കാനെത്തിയപ്പോഴാണ് ട്രംപ് മാസ്ക് ധരിച്ചത്. ആശുപത്രി സന്ദര്ശിക്കുമ്പോള് ട്രംപ് മാസ്ക് ധരിക്കുമെന്ന് റിപ്പോര്ട്ടുകള് പുറത്തുവന്നിരുന്നു.
പ്രസിഡന്ഷ്യല് സീലുള്ള കറുത്ത മാസ്ക് ധരിച്ചാണ് ട്രംപ് ആശുപത്രിയിലെത്തിയത്. പരിക്കേറ്റ സൈനികരെയും കൊവിഡ് പ്രതിരോധ പ്രവര്ത്തകരെയും സന്ദര്ശിക്കാനാണ് അദ്ദേഹം വാള്ട്ടര് റീഡ് സൈനിക ആശുപത്രിയില് എത്തിയത്.
” ഞാന് ഒരിക്കലും മാസ്കിന് എതിരല്ല, എന്നാല് അതിന് സമയവും സന്ദര്ഭവുമുണ്ടെന്ന് ഞാന് വിശ്വസിക്കുന്നു. ” വൈറ്റ് ഹൗസില് നിന്ന് പുറപ്പെടും മുമ്പ് ട്രംപ് പറഞ്ഞു. അവിടെ ഞാന് മാസ്ക് ഉപയോഗിക്കും. ആശുപത്രിയില് മാസ്ക് ഒരവശ്യ വസ്തുവായി താന് കണക്കാക്കുന്നുവെന്ന് ട്രംപ് ഫോക്സ് ന്യൂസിന് നല്കിയ അഭിമുഖത്തില് പറഞ്ഞിരുന്നു.
കൊവിഡ് വ്യാപനത്തിന്റെ തുടക്കത്തില് തന്നെ മാസ്കോ മറ്റ് മുഖാവരണമോ ധരിക്കില്ലെന്ന് ട്രംപ് പറഞ്ഞിരുന്നു. ആരോഗ്യപ്രവര്ത്തകര് മുന്നറിയിപ്പ് നല്കിയിട്ടും മാസ്ക് ധരിക്കാന് ട്രംപ് കൂട്ടാക്കിയിരുന്നില്ല.
യുഎസിൽ 3.2 ദശലക്ഷം പേർക്കാണ് ഇതുവരെ കോവിഡ്-19 ബാധിച്ചത്. ഒരു ലക്ഷത്തി മുപ്പത്തിനാലായിരത്തോളം പേർ മരിക്കുകയും ചെയ്തു. സ്ഥിതി രൂക്ഷമായി തുടരുമ്പോഴും ഔദ്യോഗിക യോഗങ്ങളിലും പൊതുപരിപാടികളിലും മാസ്ക് ധരിച്ചെത്താൻ ട്രംപ് തയ്യാറായിരുന്നില്ല.
മിഷിഗണിലെ ഫോർഡ് ഫാക്ടറിയിലേക്ക് നടത്തിയ സ്വകാര്യസന്ദർശനത്തിൽ മാത്രമാണ് ട്രംപ് ഇതിനു മുമ്പ് മാസ്കണിഞ്ഞത്.
