മലപ്പുറം: കരിപ്പൂര് വിമാനത്താവളത്തില് വീണ്ടും സ്വര്ണവേട്ട. രണ്ടു കേസുകളിലായി നാലു കിലോ സ്വര്ണമാണ് പിടികൂടിയത്. റാസല്ഖൈമയില് നിന്നും ചാര്ട്ടേര്ഡ് വിമാനത്തിലെത്തിയ യാത്രക്കാരില് നിന്നും 1.21 കോടി രൂപയുടെ സ്വര്ണം പിടികൂടി. നാല് യാത്രക്കാരില് നിന്നായിട്ടാണ് സ്വര്ണം പിടിച്ചെടുത്തത്. 2513 ഗ്രാം സ്വര്ണമാണ് അധികൃതര് കണ്ടെത്തിയത്.
കാസര്ഗോഡ് സ്വദേശികളായ അബ്ദുള് സത്താര്, മുഹമ്മദ് ഫൈസല്, മിഥിലാജ് എന്നിവരില് നിന്നാണ് സ്വര്ണം പിടികൂടിയത്. ജീന്സിന്റെ അര ഭാഗത്ത് പ്രത്യേകം തയാറാക്കിയ അറയിലാണ് ഇവര് സ്വര്ണം കടത്തിയത്.
മറ്റൊരു കേസില് മൂന്നുകിലോ സ്വര്ണം പിടികൂടി. സ്വര്ണം കടത്താന് ശ്രമിച്ച ഒരു സ്ത്രീ ഉള്പ്പെടെ മൂന്ന് പേരെ കസ്റ്റംസ് കസ്റ്റഡിയിലെടുത്തു. സ്വര്ണം തിരുവനന്തപുരത്തേക്ക് കടത്താനായിരുന്നു നീക്കം എന്നാണ് സൂചന.
