കാസര്കോട്: കാസര്കോട് ജില്ലയില് ഇന്നലെ 11 പേര്ക്ക് കൂടി കോവിഡ് 19 സ്ഥിരീകരിച്ചു. എട്ടുപേര് വിദേശത്ത് നിന്ന് വന്നവരും മൂന്നു പേര് ഇതര സംസ്ഥാനങ്ങളില് നിന്നെത്തിയവരുമാണെന്ന് ഡിഎംഒ ഡോ എ.വി രാംദാസ് അറിയിച്ചു.
വിദേശത്ത് നിന്ന് ജൂണ് 20ന് യുഎഇയില് നിന്നെത്തിയ 53 വയസുള്ള പള്ളിക്കര പഞ്ചായത്ത് സ്വദേശി, ജൂണ് 22 ന് യുഎഇയില് വന്ന 37 കാരന്, ഖത്തറില് നിന്ന് വന്ന 28 കാരന് (ഇരുവരും ചെമ്മനാട് പഞ്ചായത്ത് സ്വദേശികള്), ജൂണ് 24ന് കുവൈത്തില് നിന്ന് വന്ന 30 വയസുള്ള ചെമ്മനാട് പഞ്ചായത്ത് സ്വദേശി, ജൂണ് 25ന് സൗദിയില് നിന്ന് വന്ന 30 വയസുള്ള ബളാല് പഞ്ചായത്ത് സ്വദേശി, ജൂണ് 27ന് യുഎഇയില് നിന്ന് വന്ന 28 വയസുള്ള മഞ്ചേശ്വരം പഞ്ചായത്ത് സ്വദേശി, ജൂണ് 28 ന് ഖത്തറില് നിന്ന് വന്ന 52 വയസുള്ള കാസര്കോട് നഗരസഭാ സ്വദേശി, ജൂലൈ രണ്ടിന് കുവൈത്തില് നിന്ന് വന്ന 35 വയസുള്ള ചെങ്കള പഞ്ചായത്ത് സ്വദേശി എന്നിവര്ക്കും
ഇതരസംസ്ഥാനത്ത് നിന്നായി ജൂണ് 28 ന് ബംഗളൂരുവില് നിന്ന് വന്ന 29 വയസുള്ള ഈസ്റ്റ് എളേരി പഞ്ചായത്ത് സ്വദേശി (ഇദ്ദേഹം കര്ണ്ണാടക കെഎസ്ആര്ടിസിയില് മംഗളൂരുവിലെത്തി അവിടെ നിന്ന് ട്രെയിനില് കണ്ണൂരിലെത്തി അവിടെ നിന്ന് കാറില് നാട്ടിലെത്തി), ജൂലൈ ഒന്നിന് മഹാരാഷ്ട്രയില് നിന്ന് ട്രെയിനില് വന്ന 52 വയസുള്ള കുമ്പള പഞ്ചായത്ത് സ്വദേശി, ജൂലൈ നാലിന് മംഗളൂരുവില് നിന്ന് കാറില് വന്ന 35 വയസുള്ള ബെള്ളൂര് പഞ്ചായത്ത് സ്വദേശി എന്നിവര്ക്കുമാമ് കോവിഡ് സ്ഥിരീകരിച്ചത്.
പടന്നക്കാട് കോവിഡ് ചികിത്സാ കേന്ദ്രം, കാഞ്ഞങ്ങാട് ജില്ലാ ആശുപത്രി, അഞ്ചരക്കണ്ടി കോവിഡ് ചികിത്സാ കേന്ദ്രം, കണ്ണൂര് ജില്ലാ ആശുപത്രി, കാസര്കോട് ഗവ.മെഡിക്കല് കോളേജ്, ഉദയഗിരി സിഎഫ്എല്ടിസി എന്നിവിടങ്ങളില് കോവിഡ് ചികിത്സയിലായിരുന്ന 15 പേര്ക്ക് കോവിഡ് നെഗറ്റീവായി.
വീടുകളില് 6190 പേരും സ്ഥാപനങ്ങളില് നീരിക്ഷണത്തില് 480 പേരുമുള്പ്പെടെ ജില്ലയില് നിരീക്ഷണത്തിലുള്ളത് 6670 പേരാണ്. പുതിയതായി 297 പേരെ നീരിക്ഷണത്തിലാക്കി. സെന്റിനല് സര്വ്വെ അടക്കം 317 പേരുടെ സാമ്പിളുകള് കൂടി പരിശോധനയ്ക്ക് അയച്ചു. 1001 പേരുടെ പരിശോധനാ ഫലം ലഭിക്കാനുണ്ട്. 455 പേര് നിരീക്ഷണകാലയളവ് പൂര്ത്തീകരിച്ചു
