തിരുവനന്തപുരം: മുഖ്യമന്ത്രിയുടെ ഓഫീസുമായി ബന്ധപ്പെട്ട സ്വര്ണ്ണക്കള്ളക്കടത്തു കേസിലെ പ്രതി സ്വപ്ന സുരേഷിനായി കസ്റ്റംസ് ലുക്ക്ഔട്ട് നോട്ടീസ് പുറപ്പെടുവിക്കും. തങ്ങള് കടത്തിയ സ്വര്ണം പിടിച്ചുവെന്നറിഞ്ഞ് മുങ്ങിയതാണ് ഇവര്.
ഇവരുടെ കൂട്ടാളി സരിത്തിനെ കസ്റ്റംസ് പിടിച്ചിരുന്നു. ഇയാളെ ചോദ്യം ചെയ്തുവരികയാണ്. ട്രിപ്പിള് ലോക്ഡൗണ് കാരണം ഇവര്ക്ക് പുറത്തു പോകാന് സാധിച്ചിട്ടില്ലെന്നും തിരുവനന്തപുരത്തു തന്നെയുണ്ടെന്നുമാണ് ചില റിപ്പോര്ട്ടുകള്. അതേസമയം, ഇവര് തമിഴ്നാട്ടിലേക്ക് കടന്നെന്നും റിപ്പോര്ട്ടുകളുണ്ട്. നാലു ദിവസമായിട്ടും കെണ്ടത്താന് കഴിയാത്ത സാഹചര്യത്തില് ലുക്ക്ഔട്ട് നോട്ടീസ് പുറപ്പെടുവിക്കേണ്ടിവരും. രാജ്യം വിടാതിരിക്കാന് ഇത് അനിവാര്യമാണ്.
അതിനിടെ, സ്വപ്ന മുന്കൂര് ജാമ്യത്തിന് ശ്രമിച്ചു വരികയാണ്. കൊച്ചിയില് ഇവരുമായി ബന്ധമുള്ള അഭിഭാഷകരാണ് ഇതിനുശ്രമിക്കുന്നത്.
ജന്മഭൂമി ഓണ്ലൈന്